དགེ་འདུན་པ་ཚོར་དམིགས་བསལ་བཀའ་སློབ།

༄༅༎བཀའ་བློན་ཁྲི་ཟུར་མཁས་དབང་ཟམ་གདོང་རིན་པོ་ཆེ་མཆོག་གིས་ཉེ་ཆར་རྒྱ་གར་ལྷོ་ཕྱོགས་སུ་གདན་ས་ཁག་གི་དགེ་འདུན་པ་ཚོར་དམིགས་བསལ་གྱི་བཀའ་སློབ་གནང་སྐབས། ༸གོང་ས་མཆོག་གི་བླ་ན་མེད་པའི་ཐུགས་རྗེ་དང་མཛད་འཕྲིན་ལ་བརྟེན་ནས་བོད་བརྒྱུད་ནང་བསྟན་འཛམ་གླིང་ཀུན་ལ་ཁྱབ་ཡོད་པ་དེ། ཡང་དག་པ་ཞིག་གི་ཐོག་ནས་གནས་ཐུབ་པ་བྱ་རྒྱུ་ནི་སྤྱིར་དགེ་འདུན་པའི་སྡེ་དང་། ལྷག་པར་དུ་གཞུང་ཆེན་སློབ་གཉེར་གནང་སའི་གདན་ས་ཁག་གི་མཁན་སློབ་རྣམ་པ་དང༌དཔེ་ཁྲིད་དགེ་རྒན་དེ་བཞིན་སློབ་གཉེར་གནང་མཁན་ཡོངས་ལ་དམིགས་བསལ་གྱི་ཐུགས་འགན་ཞིག་ཡོད་རེད་ཅེས་གསུངས་ཡོད་པའི་སྐོར། འདི་གའི་གསར་འགོད་པ་དཀར་མཛེས་བསོད་ནམས་དབང་འདུས་ཀྱིས་ཕྱོགས་སྒྲིག་དང་སྙན་སྒྲོན་ཞུས་པར་གསན་རོགས༎