རྒྱ་ནག་གི་འགྲོ་བ་མིའི་ཐོབ་ཐང་རྡོག་རོལ་གཏོང་གི་མེད་ཚུལ་གྱི་དྲིལ་བསྒྲགས་དང་སྤེལ་བཞིན་པར་གདོང་ལེན་དང་ཁ་གཏད་གྱི་ལས་འགུལ་སྤེལ་ཕྱོགས།

གནད་དོན་གླེང་མོལ་གྱི་ལས་རིམ་ནང་། རྒྱ་ནག་གཞུང་གིས་བོད་དང་ཤར་ཏུར་ཀིསི་ཐན་བཅས་ཀྱི་ནང་འགྲོ་བ་མིའི་ཐོབ་ཐང་རྡོག་རོལ་གཏོང་གི་མེད་ཚུལ་དྲིལ་བསྒྲགས་དང་ཐབས་བྱུས་ལྡན་པའི་ཐོག་ནས་རྒྱ་ཁྱབ་སྤེལ་བཞིན་ཡོད་པར། གནད་དོན་དབྱེ་ཞིབ་པ་ཚོས་ངོས་འཛིན་ཞུ་བཞིན་ཡོད་པ་ལྟར། འདིར་གདོང་ལེན་དང་ཁ་གཏད་གྱི་ལས་འགུལ་སྤེལ་ཕྱོགས་ཐད། ཨའོས་ཊྲེ་ལི་ཡ་ནིའུ་ཁ་སལ་ནས་སིཌི་ནི་གྲོང་ཁྱེར་བར་ཉིན་གྲངས་ ༥ ཙམ་རིང་པེ་ཅིན་ཨོ་ལོམ་པིཀསི་རྩེད་འགྲན་ལ་ངོ་རྒོལ་གྱི་ཞི་བའི་གོམ་བགྲོད་གནང་མཁན་བོད་ཀྱི་ཆབ་སྲིད་བཙོན་ཟུར་དགའ་ལྡན་དགོན་པའི་དགེ་འདུན་པ་བག་བྲོ་ལགས་དང་ས་གནས་བོད་རིགས་ཚོགས་པའི་ལས་འགུལ་སྣེ་ཁྲིད་པ་མགུར་འབུམ་རྒྱལ་ལགས་བཅས་དང་ལྷན། ཨེ་ཤེ་ཡ་རང་དབང་རླུང་འཕྲིན་ཁང་གི་གསར་འགོད་པ་བཀྲིས་དབང་ཕྱུག་ལགས་ཀྱིས་གླེང་མོལ་ཞུས་པར་གསན་རོགས་ཞུ།།
གསར་འགོད་པ། ། བཀྲིས་དབང་ཕྱུག
རྩོམ་སྒྲིག་པ། རིག་ལྡན་སྒྲོལ་མ།
དྲ་ཐོག་སྤེལ་མཁན། རྟ་མགྲིན་དབང་ཕྱུག