བཀའ་བློན་ཁྲི་ཟུར་སློབ་དཔོན་ཟམ་གདོང་རིན་པོ་ཆེ་མཆོག་གིས་བཅའ་ཁྲིམས་དོན་ཚན་ཁག་གི་སྐོར་འགྲེལ་བཤད་གནང་ཡོད་པ།

ཐེངས་འདིའི་གངས་ལྗོངས་གླེང་སྟེགས་ཀྱི་སྐབས་སུ་བབས་པའི་གླེང་གཞི་ནི། གཙོ་བོ་བཀའ་བློན་ཁྲི་ཟུར་ཟམ་གདོང་རིན་པོ་ཆེ་མཆོག་གིས་གནང་བའི་འབྲེལ་ཆགས་བཅའ་ཁྲིམས་ཀྱི་དོན་ཚན་ཁག་གི་འབྲུ་དོན་ཐད་ཀྱི་འགྲེལ་བཤད་ངོ་སྤྲོད་བྱེད་རྒྱུ་དང་། དེ་མིན་སྤྱི་འཐུས་ཚོགས་ཟུར་པདྨ་འབྱུང་གནས་མཆོག་གིས་ཚོགས་གཙོ་ནས་དགོངས་པ་ཞུས་པའི་རྒྱུ་མཚན། དེ་བཞིན་སྤྱི་ཚོགས་ཁྲོད་བཀའ་བློན་ཁྲི་ཟུར་ཟམ་གདོང་རིན་པོ་ཆེ་མཆོག་གི་བཅའ་ཁྲིམས་ཀྱི་འབྲུ་དོན་ལ་འགྲེལ་བརྗོད་གནང་བ་དང་ཚོགས་ཟུར་པདྨ་འབྱུང་གནས་མཆོག་གིས་ཚོགས་གཙོ་ནས་དགོངས་པ་ཞུ་བའི་ཐད་ཀྱི་ལྟ་ཚུལ་བཅས་ཀྱི་ཐད། སྟག་ལྷ་རྒྱལ་གྱིས་ཕྱོགས་སྒྲིག་དང་སྙན་སྒྲོན་ཞུས་པར་གསན་རོགས་ཞུ།།