ཏཱ་ལའི་བླ་མ་མཐོ་རིམ་སློབ་གཉེར་ཁང་ཀྱི་དམིགས་བསལ་མཐུན་རྐྱེན་དང་གོ་སྐབས་སོགས་གང་ལྡན་ཡོད་མེད་སྐོར།

བཙན་བྱོལ་སྤྱི་ཚོགས་ཁྲོད་བོད་ཕྲུག་ན་གཞོན་འཛིན་རིམ་བཅུ་གཉིས་ཐོན་པའི་རྗེས། མུ་མཐུད་སློབ་གཉེར་གནང་བར་རྒྱ་གར་གྱི་མཐོ་རིམ་སློབ་གཉེར་ཁང་འདྲ་མིན་ནང་འགྲོ་དགོས་ཀྱི་ཡོད་ཅིང་། རིག་གཞུང་དང་སྤྱི་ཚོགས་ཀྱི་ཁོར་ཡུག་འདྲ་མིན་ནང་མཉམ་བསྲེས་བྱེད་དགོས་པའི་བརྒྱུད་རིམ་ཁྲོད་བོད་མི་རིགས་ཀྱི་ངོ་བོ་སྲུང་སྐྱོབ་བྱ་རྒྱུའི་དམིགས་ཡུལ་དེར་གདོང་ལེན་བྱ་དགོས་པའི་གནས་སྟངས་མང་པོ་ཡོད་པ་རེད། ཕྱིས་སུ་མ་འོངས་པའི་བོད་ཕྲུག་ན་གཞོན་ཚོར་བོད་ཀྱི་རིག་གཞུང་དང་དེང་དུས་ཀྱི་ཤེས་ཡོན་གཉིས་ཀའི་ཆ་རྐྱེན་སྐྲུན་རྒྱུའི་ཆེད་དུ་ཕྱི་ལོ་ ༢༠༠༨ ལོར་སྦེང་ལོར་དུ་ཏཱ་ལའི་བླ་མ་མཐོ་རིམ་སློབ་གཉེར་ཁང་དེ་གསར་འཛུགས་གནང་ཡོད་པ་རེད། ཐེངས་འདིའི་ལེ་ཚན་ནང་༧ཏཱ་ལའི་བླ་མའི་མཐོ་རིམ་སློབ་གཉེར་ཁང་གི་སློབ་སྤྱི་འབུམ་རམས་པ་བསྟན་འཛིན་པ་སངས་ལགས་སུ་སློབ་གཉེར་ཁང་འདིའི་ནང་སློབ་ཚན་གྱི་སྡེ་ཚན་ཁག་མི་འདྲ་བ་གང་ལྡན་ཡོད་མེད་དང་། སློབ་གྲྭའི་དམིགས་བསལ་མཐུན་རྐྱེན་དང་གོ་སྐབས་སོགས་ཀྱི་སྐོར་ལ་ཨེ་ཤེ་ཡ་རང་དབང་རླུང་འཕྲིན་ཁང་གི་གསར་འགོད་པ་མཁའ་འགྲོ་གཡང་འཛོམས་ལགས་ཀྱིས་བཀའ་དྲི་ཞུས་པ་ཞིག་གསན་གནང་གི་རེད།

གསར་འགོད་པ། མཁའ་འགྲོ་གཡང་འཛོམས།
རྩོམ་སྒྲིག་པ། དོན་གྲུབ་རྣམ་རྒྱལ།
དྲྭ་ཐོག་སྤེལ་མཁན། ཡེ་ཤེས་བཀྲིས།