འཛིན་བཟུང་བྱས་པའི་བོད་རིགས་སློབ་ཕྲུག་རྣམས་གློད་གྲོལ་དགོས།

༄༅།།ཕྱི་ལོ་༢༠༡༩ ཟླ་༡༠ ཚེས་༡༠ ཉིན་རྒྱ་གར་ལྷོ་ཕྱོགས་ཏ་མིལ་ནཱ་དྷུ་མངའ་སྡེའི་ནང་ཡོད་པའི་མཱ་རྡ་ར་སི་གཙུག་ལག་སློབ་གཉེར་ཁང་གི་རྒྱ་གར་སློབ་ཕྲུག་ལྔ་བཅུ་སྐོར་ཞིག་གིས། རྒྱ་ནག་གི་སྲིད་འཛིན་ཞི་ཅིང་ཕིང་རྒྱ་གར་ལ་རྒྱལ་དོན་འཚམས་གཟིགས་ཕེབས་ལ་ཉེ་བའི་སྐབས་འདིར། རྒྱ་གར་ཉེན་རྟོག་པས་འཛིན་བཟུང་བྱས་པའི་རྒྱ་གར་ལྷོ་ཕྱོགས་ཅིའི་ནའི་གྲོང་ཁྱེར་ནང་ཡོད་པའི་ཧིན་རྡུ་སི་ཐན་མཐོ་སློབ་ཀྱི་སློབ་དཔོན་ལས་རོགས་བསྟན་འཛིན་ནོར་བུ་ལགས་ཀྱིས་གཙོས་བོད་རིགས་སློབ་ཕྲུག་དང་ལས་འགུལ་བ་སོགས་མི་གྲངས་བཅུ་ཙམ་ཞིག་འཛིན་བཟུང་བྱས་པ་རྣམས་ཕྲལ་དུ་གློད་གྲོལ་བཏང་དགོས་པའི་ངོ་རྒོལ་སྐད་འབོད་བྱས་འདུག ཞིབ་ཕྲ་འདི་གའི་གསར་འགོད་པ་ཨོ་རྒྱན་བསྟན་འཛིན་ལགས་དང་པདྨ་དངོས་གྲུབ་ལགས་ཀྱིས་བཏང་བའི་གནས་ཚུལ་ལ་གསན་རོགས་ཞུ།།