༸སྤྱི་ནོར་གོང་ས་སྐྱབས་མགོན་ཆེན་པོ་མཆོག་༡༩༥༦/༥༧  ལོར་རྒྱ་གར་ལ་གནས་གཟིགས་སུ་ཆིབས་བསྒྱུར་བཀའ་དྲིན་བསྐྱངས་སྐབས།

བོད་ས་མ་ཤོར་གོང་ནས་བཙན་བྱོལ་དུ་འབྱོར་མཁན་གྱི་མི་ཐོག་ཉུང་ཤེས་ཤིག་ལས་ལྷག་མེད་པ་དེའི་ནང་ནས་གཅིག་ནི་སྒང་ཏོག་གནས་སྡོད་རང་ལོ་ ༨༦ ལ་སོན་པ་པཱ་དགྲ་འདུལ་ལགས་ཡིན་པ་དང་། ཁོང་འབྲས་ལྗོངས་དང་བོད་ཀྱི་ས་མཚམས་སྣ་ཐོད་ལ་ནས་འབྲས་ལྗོངས་རྒྱལ་ས་སྒང་ཏོག་དབར་ཚོང་འབྲེལ་གྱི་དངོས་ཟོག་རིགས་རྟ་དྲེལ་རྒྱུད་འོར་འདྲེན་གནང་ནས་དྲེལ་པ་བྱེད་ནས་འཚོ་བ་སྐྱེལ་ཡོད་འདུག་ཅིང་།   ཕྱི་ལོ་ ༡༩༥༦ ལོ་མཇུག་ཏུ༸སྤྱི་ནོར་གོང་ས་སྐྱབས་མགོན་ཆེན་པོ་མཆོག་དང་པཎ་ཆེན་རིན་པོ་ཆེ་རྣམ་གཉིས་འབྲས་ལྗོངས་རྒྱུད་རྒྱ་གར་ལ་གནས་གཟིགས་སུ་ཆིབས་བསྒྱུར་བཀའ་དྲིན་བསྐྱངས་སྐབས་སྣ་ཐོད་ལ་ནས་སྒང་ཏོག་དབར་ཁོང་༸གོང་ས་མཆོག་དང་སྐུ་འཁོར་ལྷན་རྒྱས་ཀྱི་སྐུ་ཆས་འོར་འདྲེན་གནང་རྒྱུའི་གུས་སྐབས་དང་མཉམ་དུ་མི་ཚེའི་ནང་ཐེངས་མ་དང་པོ་༸གོང་ས་མཆོག་སྐུ་དངོས་སུ་མཇལ་རྒྱུའི་སྐལ་བཟང་གི་གོ་སྐབས་ཐོབ་འདུག།  དེ་སྐོར་གསར་འགོད་པ་པ་སངས་ཚེ་རིང་ལགས་ཀྱིས་གནས་ཚུལ་སྙན་སྒྲོན་ཞུས་པ་གསན་རོགས་གནང་།

གསར་འགོད་པ། པ་སངས་ཚེ་རིང་།
རྩོམ་སྒྲིག་པ། བསྟན་འཛིན་འཕགས་སྒྲོན།  ཨོ་རྒྱན་བསྟན་འཛིན།
དྲ་ཐོག་སྤེལ་མཁན། བསྟན་འཛིན་འཕགས་སྒྲོན།