ཨའོསི་ཊརེ་ལི་ཡའི་གྲོས་ཚོགས་སུ་བོད་དོན་ཞུ་གཏུགས་སྐབས་བརྒྱ་ཆ་ ༨༥ གཞོན་སྐྱེས་མི་རབས་ཀྱིས་མཉམ་ཞུགས་གནང་འདུག

ཨའོསི་ཊརེ་ལི་ཡའི་རྒྱལ་ས་ཁེན་བྷེ་རཱར་ཕྱི་ཟླ་ ༩ ཚེས་ ༩ དང་ ༡༠ བཅས་ཉིན་གཉིས་རིང་ས་གནས་བོད་རིགས་ཚོགས་པ་ཁག་དགུའི་སྐུ་ཚབ་ ༢༠ མཉམ་འཛོམས་ཀྱིས་ཨའོསི་ཊརེ་ལི་ཡའི་རྒྱལ་ཡོངས་གྲོས་ཚོགས་འཐུས་མི་ ༣༥ མཇལ་འཕྲད་ཀྱིས་བོད་དོན་ཞུ་གཏུག་གི་ལས་འགུལ་སྤེལ་ཞིང་།  ཨའོསི་ཊརེ་ལི་ཡའི་ཕྱི་སྲིད་བློན་ཆེན་(Penny Wong) དང་མཇལ་འཕྲད་བྱུང་སྐབས་ཁོང་གིས་ཨོསི་ཊརེ་ལི་ཡ་གཞུང་ཞབས་ཚོའི་ཁྲོད་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གི་མ་འོངས་༧སྐུའི་ཡང་སྲིད་སྐོར་གྲོས་བསྡུར་གནང་བཞིན་ཡོད་ཅེས་གསུངས་འདུག་ལ།  ཨའོསི་ཊརེ་ལི་ཡའི་གྲོས་ཚོགས་འཐུས་མི་ ཨེན་ཌྲུ་ ཝ་ལེསི་  (Andrew Wallace) ཡིས་ཚོགས་པ་ཟུང་སྦྲེལ་གྱི་གྲོས་ཆོད་ཀྱི་གྲོས་འཆར་ཞིག་བཏོན་གནང་སྟེ་བོད་རྒྱའི་དཀའ་རྙོག་སེལ་རྒྱུ་དང་།   སྤྱི་ནོར་༧གོང་ས་༧ཏཱ་ལའི་བླ་མ་སྐུ་ཕྲེང་རིམ་བྱོན་ལ་སྲུང་སྐྱོབ་ཞུ་རྒྱུ་དེ་གལ་ཆེ་ཡིན་པ་གསལ་སྟོན་གནང་འདུག  གནད་དོན་གླེང་མོལ་གྱི་ལས་རིམ་ནང་།  ཨའོསི་ཊརེ་ལི་ཡའི་དང་བླང་ཞུ་གཏུག་ལས་འགུལ་བའི་རྒྱལ་ཡོངས་འབྲེལ་མཐུད་པ་བསྟན་འཛིན་ནོར་འཛིན་ལགས་དང་། ཁེན་བྷེ་ར་དྭང་བླང་ཞུ་གཏུག་ལས་འགུལ་བ་སྐལ་བཟང་སྒྲོལ་དཀར་ལགས་དང་ལྷན་ཨེ་ཤེ་ཡ་རང་དབང་རླུང་འཕྲིན་ཁང་གི་བོད་སྐད་སྡེ་ཚན་གྱི་འགན་འཛིན་གཞོན་པའི་ལས་ཚབ་བཀྲིས་དབང་ཕྱུག་ལགས་ཀྱིས་གླེང་མོལ་ཞུས་པར་གསན་རོགས་གནང་།།
གསར་འགོད་པ། བཀྲ་ཤིས་དབང་ཕྱུག
རྩོམ་སྒྲིག་པ། རིག་ལྡན་སྒྲོལ་མ།
དྲྭ་ཐོག་སྤེལ་མཁན། ནོར་སྡེ་སྒྲོལ་མ།