ཚ་བ་སྐྱིད་སྡུག་གི་བརྟན་བཞུགས།

༄༅།  །དེ་རིང་གི་ཁ་བའི་གྲོས་རྭ་ཞེས་པའི་ལེ་ཚན་ནང་། ཕྱི་ཟླ་༣ཚེས་༡༦རེས་གཟའ་ཉི་མའི་ཉིན་བཞུགས་སྒར་དྷ་རམ་ས་ལར་༸གོང་ས་༸སྐྱབས་མགོན་ཆེན་པོ་མཆོག་དབུ་བཞུགས་ཐོག་ཆོ་འཕྲུལ་སྨོན་ལམ་ཆེན་མོའི་དུས་ཆེན་སྲུང་བརྩི་ཞུས་ཡོད་པ་དང་། བཞུགས་སྒར་དྷ་རམ་ས་ལའི་ཚ་བ་སྐྱིད་སྡུག་ནས་གཞིས་བྱེས་ཚ་བ་ཡོངས་ཀྱི་ཚབ་ཞུས་ཏེ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་བརྟན་བཞུགས་བསྟར་འབུལ་ཞུས་བཞག  ཚབ་སྐྱིད་སྡུག་གི་རྒྱུན་ལས་སེར་བྱེས་ཚ་བ་དགེ་བཤེས་ལྷ་རམས་པ་བློ་བཟང་བསྟན་པ་ལགས་ཀྱིས་གསུང་དོན་ལ་བསྐལ་བཟང་གི་གོ་སྐབས་འདིའི་སྐབས་ཚ་བའི་ཁོངས་གཏོགས་སེར་སྐྱ་ཕོ་མོ་རྒན་གཞོན་ཚང་མས་གྲངས་གསོག་གནང་བའི་ཡིག་དྲུག་མ་ཎིའི་གྲངས་འབོར་སྙན་སེང་ཞུས་ཡོད་པ་དང་། དེ་རིང་བརྟན་བཞུགས་དངོས་གཞིའི་ཉིན་ཚ་བའི་ཁོངས་གཏོགས་བོད་མི་སེར་སྐྱ་རྒན་གཞོན་གང་མང་ནས་མཉམ་བཞུགས་གནང་ཡོད་འདུག།