རྒྱལ་ཚོགས་མདུན་ངོ་རྒོལ།

༄༅༎ཕྱི་ཟླ་༡༢ཚེས་༧རེས་གཟའ་པ་སངས་ཉིན་ཨ་མེ་རི་ཀའི་གྲོང་ཁྱེར་ནིའུ་ཡོརྐ་དང་ནིའུ་ཇར་སི་ས་གནས་བོད་ཀྱི་གཞོན་ནུ་ལྷན་ཚོགས་ཀྱི་གོ་སྒྲིག་འོག་འཛམ་གླིང་མཉམ་འབྲེལ་རྒྱལ་ཚོགས་ཀྱི་མདུན་རྒྱ་ནག་གི་བོད་ནང་དྲག་གནོན་ཀྱི་སྲིད་ཇུས་ལ་ངོ་རྒོལ་དང༌།བོད་ནང་འཛམ་གླིང་གི་གསར་འགོད་པ་གཏོང་དགོས་པ།བོད་ནང་བོད་མི་མང་པོས་བོད་དོན་ཆེད་རང་ལུས་མེར་སྲེག་བཏང་བ་རྣམས་ལ་གདུང་སེམས་མཉམ་བསྐྱེད་མཚོན་ཆེད་དུ་ངོ་རྒོལ་གྱི་ལས་འགུལ་སྤེལ་ཡོད་པའི་སྐོར་ཨེ་ཤེ་ཡ་རང་དབང་རླུང་འཕྲིན་ཁང་གི་གསར་འགོད་པ་བསྟན་འཛིན་བདེ་སྐྱིད་ལགས་ནས་གནས་ཚུལ་ཕྱོགས་སྒྲིག་ཞུས་པར་གསན་རོགས༎