བློ་བཟང་དཀོན་མཆོག་དང་སྒྲོལ་མ་སྐྱབས།

༄༅༎ཉེ་ཆར་རྒྱ་ནག་གཞུང་གི་བོད་རྔ་བ་ཁུལ་གྱི་ཀིརྟི་དགོན་པའི་གྲྭ་བློ་བཟང་དཀོན་མཆོག་ལགས་དང་མཛོད་དགེ་རྫོང་གི་སྒྲོལ་མ་སྐྱབས་ལགས་གཉིས་ཁུལ་དེར་བོད་མིས་རང་ལུས་མེར་སྲེག་བཏང་བའི་དོན་རྐྱེན་དང་འབྲེལ་བ་ཡོད་པའི་ཉེས་འཛུགས་བྱས་ཏེ་སྲོག་ཁྲིམས་བཅད་ཡོད་པ་དེར་དཔང་རྟགས་གང་ཡང་མེད་པས་དྲང་བདེན་མ་ཡིན་པ་དང༌།ཁོང་གཉིས་མྱུར་སྐྱོབ་ཡོང་བའི་ཆེད་བོད་རྒྱལ་ཡོངས་མང་གཙོ་ཚོགས་པས་རྒྱབ་སྐྱོར་གྱི་མཚན་རྟགས་བསྡུ་རུབ་དང་།མཉམ་འབྲེལ་རྒྱལ་ཚོགས་དང་།རྒྱལ་སྤྱིའི་འགྲོ་བ་མིའི་ཐོབ་ཐང་ལྷན་ཁང་།དེ་བཞིན་རྒྱ་གར་ནང་གི་རྒྱལ་སྤྱིའི་གཞུང་ཚབ་ཁང་སོགས་ལ་རོགས་སྐྱོར་ཡོང་བའི་རེ་སྐུལ་གྱི་ལས་འགུལ་སྤེལ་བའི་སྐོར་ཨེ་ཤེ་ཡ་རང་དབང་རླུང་འཕྲིན་ཁང་གི་གསར་འགོད་པ་དོན་གྲུབ་རྡོ་རྗེ་ལགས་ནས་གནས་ཚུལ་ཕྱོགས་སྒྲིག་ཞུས་པར་གསན་རོགས༎