བོད་ནང་ཞབས་རིམ།

༄༅།    །༧གོང་ས་མཆོག་གི་བཀའ་དགོངས་བཞིན།    བོད་ཀྱི་ཁམས་རྟའུ་རྫོང་གི་རྟའུ་ཉག་ཚོ་དགོན་པ་དང་།    དགའ་ལྡན་ཆོས་གླིང་བཙུན་དགོན་གཉིས་ཀྱི་ནང་གྲྭ་བཙུན་རྣམས་ནས་ཤེས་རབ་སྙིང་པོ་དང་།    འཕགས་བསྟོད།    དེ་བཞིན་མ་ཎི་གསོག་སྒྲུབ་གནང་བཞིན་ཡོད་པས་མ་ཚད།    རྟའུ་ཉག་ཚོ་དགོན་པའི་དགེ་འདུན་པ་བརྒྱ་སྐོར་ཞིག་སྐུ་མཚམས་སུ་བཞུགས་ཡོད་འདུག    དེ་དང་ཕྱོགས་མཚུངས་ཁམས་བྲག་འགོ་རྫོང་ནང་གི་ཡུལ་དགོན་གཉིས་ནས་ནས་ཀྱང་བོད་བསྟན་སྲིད་ཆེད་ཞབས་རིམ་གསོག་སྒྲུབ་གནང་བཞིན་འདུག    དེའི་སྐོར་ང་ཚོའི་གསར་འགོད་པ་བསོད་ནམས་དབང་འདུས་ལགས་ཀྱིས་འབྲེལ་ཡོད་ལ་བཀའ་འདྲི་ཞུས་ནས་གནས་ཚུལ་ཕྱོགས་སྒྲིག་ཞུས་པ་ཞིག་གསན་རོགས་གནང་།།