བོད་ཀྱི་ལོ་རྒྱུས་ལ་ཕྱིར་བལྟས།

༄༅།    །དེ་རིང་གི་གཞིས་བྱེས་བོད་མི་ཟེར་བའི་ལེ་ཚན་ནང་།    དེ་སྔ་བོད་ནང་མདོ་ཁམས་ཆུ་བཞི་སྒང་དྲུག་གི་སྒྲིག་འཛུགས་ནང་དམག་སྤྱི་ཡིན་པ་ཁམས་ལི་ཐང་དབྲ་ཕྲུག་ངག་དབང་ལགས་ཁོང་ད་རེས་ཨ་མི་རི་ཀའི་ནང་ཁོང་གི་བུ་བརྒྱུད་ཐུག་འཕྲད་དུ་ཕེབས་ཡོད་པ་རེད།    དེ་ཞོར་ཨ་རིའི་རྒྱལ་ས་རུ་གཟིགས་བསྐོར་ལ་ཕེབས་ནས་ང་ཚོ་ཨེ་ཤེ་ཡ་རང་དབང་རླུང་འཕྲིན་ཁང་ལ་ཕེབས་སྐབས་སུ་ཁོང་གིས་དེ་སྔའི་སྐུ་ཚེའི་མྱོང་འཚོར་སྐོར་ཚེ་དབང་ནོར་བུ་ལགས་ནས་ཁོང་དང་བཅའ་འདྲི་ཞུས་ཡོད་པ་རེད།    བཅར་འདྲིའི་ལས་རིམ་སྐབས་ཁོང་གིས་བོད་ནང་ཐོག་མ་རྒྱའི་བཙན་འཛུལ་དང་།    བཙན་གནོན་བྱེད་སྟངས་དང་།       བོད་མདོ་ཁམས་ཕྱོགས་ཀྱི་བོད་མི་ཚོས་རྒྱ་མིའི་བཙན་འཛུལ་ལ་དམག་འཐབ་དང་ཁ་གཏད་གདོང་ལེན་བྱེད་སྟངས་དང་།        དེ་ནས་བོད་མིའི་རང་དབང་སྲུང་སྐྱོབས་ཆེད་མདོ་ཁམས་ཆུ་བཞི་སྒང་དྲུག་གི་བསྟན་སྲུང་དང་བླངས་དམག་གི་སྒྲིག་འཛུགས་གསར་འཛུགས་གནང་སྟངས་བཅས་ཀྱི་སྐོར་གསུངས་ཡོད་པ་རེད།    སོང་ཙང་ད་རེས་ཀྱི་ལས་རིམ་འདིའི་ནང་།    སྐབས་དེའི་བཅར་འདྲིའི་ལས་རིམ་གྱི་དུམ་བུ་དང་པོ་དེ་གསན་རོགས་ཞུ།།