ສົມເດັຈພຣະເຈົ້າ ໄຊຍະເຊຕຖາທິຣາຊ ຍົກຣິພົລໂຍທາຫາຣ ໄປຕີເມືອງ ພິສນຸໂລກ ຄັ້ງທີ່ 1 ພຣະມະຫິນທະຣາຊາ ໄດ້ມີ ພຣະຣາຊສາຣ ມາຖວາຍ ພຣະເຈົ້າ ໄຊຍະເຊຕຖາທິຣາຊ ເພື່ອຂໍໃຫ້ ພຣະອົງຄ໌ ຍົກທັພ ໄປຕີເອົາ ເມືອງພິສນຸໂລກ. ພຣະເຈົ້າ ໄຊຍະເຊຕຖາທິຣາຊ ຊົງຊາບ ພຣະຣາຊສາຣ ນັ້ນແລ້ວ ກໍຊົງມີ ຄວາມພໍພຣະທັຍ ເປັນຢ່າງຍິ່ງ ຈຶ່ງມີ ພຣະຣາຊອາຈຍາ ໃຫ້ ພຣະຍາ ຈັນກອງນາງ, ພຣະຍາຂາວ ດອກໝາກ, ພຣະຍາ ຣາຊວັດ ແລະ ພຣະຍາ ຍົສລືກຽຣ ເກນທັພ ໄດ້ພົລແສນນຶ່ງ ຊ້າງ ພັນຕົວ ຍົກໄປຕີ ເອົາເມືອງເຂັມ ຄື 12 ພັນນາລື້. ສ່ວນ ພຣະອົງຄ໌ ເກນພົລ ໄດ້ 280 ພັນຄົນ ຍົກພົລ ລົງໄປ ຕີເອົາ ເມືອງພິສນຸໂລກ.