ສະຫະຣັດຊ່ວຍ ຜູ້ປະສົບພັຍນ້ຳຖ້ວມ

ຍານາງ Karen Stewart ເອກ ອັຄຣາຊທູດ ສະຫະຣັຖ ປະຈຳລາວ ໄດ້ເດິນທາງ ໄປຍັງເຂດ ນ້ຳຖ້ວມ ທີ່ ແຂວງ ຄຳມ່ວນ ເພຶ່ອພົບກັບ ເຈົ້າຫນ້າທີ່ ໃນແຂວງ ແລະ ເພຶ່ອ ເບິ່ງແຍງ ການ ບໍຣິຈາກ ຂອງ ອົງການ ອາຫານ ຈາກ ສະຫະຣັຖ ໃຫ້ແກ່ ຊາວບ້ານ ຜູ້ທີ່ ປະສົບ ເຄາະຮ້າຍ ຈາກ ພັຍນ້ຳຖ້ວມ ທີ່ເມືອງ ມະຫາໄຊ ແຂວງ ຄໍາມ່ວນ.

ການຢ້ຽມຢາມ ແຂວງ ຄຳມ່ວນ ຂອງ ຍານາງ Stewart ເທື່ອນີ້ ຕິດຕາມ ໂດຍ ທ່ານ ປາສິດ ເດດພົມມະເທບ ຫົວຫນ້າ ຫ້ອງການ ພັຍພິບັດ ແຫ່ງຊາດລາວ ແລະ ທ່ານ ແສງທອງ ໂຄສົກ ສະພາ ແຂວງ ຄຳມ່ວນ ນອກຈາກນັ້ນ ກໍຍັງມີ ຍານາງ ອີຣິ ກູໂດະ ຜູ້ຕາງໜ້າ ອົງການ ອາຫານໂລກ ປະຈຳລາວ ຊຶ່ງເປັນ ອົງການ ທີ່ ຮັບຜິດຊອບ ກ່ຽວກັບ ການ ແຈກຢາຍ ການຊ່ວຍເຫລຶອ ທາງດ້ານ ອາຫານ ການກິນ.

ອົງການ ຊ່ວຍເຫລຶອ ສະຫະຣັຖ ຫລື USAID ໄດ້ໃຫ້ ການ ຊ່ວຍເຫລືອ ລາວຜ່ານ ສະຖານທູດ ສະຫະຣັຖ ຍ້ອນພັຍ ນ້ຳຖ້ວມ ຊື່ງມີ ເຂົ້າສານ 1,460 ຕັນ ແລະ ນ້ຳມັນພືດ 100 ຕັນ ທີ່ມີ ມູລຄ່າ ທັງຫມົດ ປະມານ 1 ລ້ານ 5 ແສນ ໂດລາ. ການຊ່ວຍເຫລືອ ດ່ັງກ່າວ ໄດ້ມອບໃຫ້່ ອົງການ ອາຫານໂລກ ເປັນຜູ້ ບໍຣິຈາກ ໃຫ້ແກ່ ຄອບຄົວ ທີ່ຖືກ ເຄາະຮ້າຍ ຈາກພັຍ ນ້ຳຖ້ວມ ໃນປີ 2010 ແລະ 2011. ແຂວງ ຄຳມ່ວນ ເປັນພາກ ສ່ວນນຶ່ງ ຂອງການ ຊ່ວຍເຫລຶອ ໃນເທື່ອນີ້.