ມຸ້ງອົບນໍ້າຢາ ປ້ອງກັນຍຸງ

ຜູ້ອໍານວຍການ UNICEF ທ່ານ Anthony Lake ກ່າວ ໃນກອງປະຊຸມ ຜູ້ບໍຣິຫານ ວ່າ  “ໃນຍາມທີ່ ບໍ່ມີຄວາມ ທຸ່ນທ່ຽງ ທາງດ້ານການເງິນ ການປະຫຍັດ ດັ່ງກ່າວ ເປັນຂ່າວດີ ສໍາລັບ ຣັຖບານ ແລະ ດີໄປກວ່ານັ້ນ ແມ່ນເປັນຂ່າວດີ ສໍາລັບ ເດັກນ້ອຍ”. ອີງຕາມ ລາຍງານ ຂອງ UNICEF ຣາຄາ ມຸ້ງອົບນໍ້າຢາ ໃຊ້ກາງກັນຍູງ ທີ່ມີ ຄຸນນະພາບດີ ແລະ ໃຊ້ໄດ້ດົນກວ່າ ໄດ້ຫລຸດລົງ ຕໍ່າກວ່າ 3 ໂດລາ ສະຫະຣັຖ ຕໍ່ຜືນ.

ເຈົ້າໜ້າທີ່ UNICEF ຈາກນະຄອນ Copenhagen ນາງ Shanelle Hall ກ່າວວ່າ “ບໍ່ເຄີຍມີ ມາກ່ອນ ທີ່ຣາຄາ ມຸ້ງອົບນໍ້າຢາ ຈະຫລຸດຕໍ່າ ລົງຮອດພຽງນີ້ ຊຶ່ງຈະເປັນຜົນດີ ຕໍ່ເດັກນ້ອຍ ແລະ ຄອບຄົວ ໃນປະເທດ ທີ່ກໍາລັງ ພັທນາ”.

ການຫລຸດຣາຄາ ຂອງ ມຸ້ງອົບນໍ້າຢາ ເປັນການ ປະຫຍັດ ຄ່າໃຊ້ຈ່າຍ ຫລາຍຢ່າງ ຂອງ UNICEF ເຊັ່ນ ຄ່າຊື້ ຢາສັກ ກັນພຍາດໄຂ້ປ່າ ມາເລເຣັຍ ແລະ ພຍາດຖອກທ້ອງ 735 ລ້ານ ໂດລາ ສະຫະຣັຖ ໃນຈໍານວນ ດັ່ງກ່າວ 498 ລ້ານ ໂດລາ ສະຫະຣັຖ ແມ່ນລາຍຈ່າຍ ຄ່າຊື້ຢາສັກກັນ ພຍາດຖອກທ້ອງ ທີ່ ເປັນພຍາດ ເຮັດໃຫ້ເດັກນ້ອຍ ອາຍຸຕໍ່າກວ່າ 5 ປີ ຕາຍຫລາຍ ໃນອັນດັບທີ 2 ຂອງໂລກ.