ສາຍການບິນລາວ ເລີ້ມໃຊ້ຍົນແອຣ໌ບັສ

ບໍຣິສັດ ສາຍການບິນ ລາວ ຈະປ່ຽນ ເຮຶອບິນ ຫມາກປິ່ນ ຊນິດ ATR72 ໃນຖ້ຽວ ບິນ ວຽງຈັນ-ບາງກອກ ມາເປັນ ເຮຶອບິນ ອາຍພົ່ນ ແອຣ໌ບັສ A320 ລຳໃຫມ່. ເຮຶອບິນ ແອຣ໌ບັສ ລຳ ດັ່ງກ່າວໄດ້ ສົ່ງມອບໃຫ້ ສາຍການບິນ ລາວ ຈາກ ບໍຣິສັດ ແອຣ໌ບັສ ຂອງ ປະເທດ ຝຣັ່ງເສດ ໃນອາທິດ ກ່ອນ ແລະ ລຳທີສອງ ຈະສົ່ງມອບ ໃນທ້າຍເດຶອນ ທັນວາ ປີນິ້.

ເຮຶອບິນ ແອຣ໌ບັສ ຂອງ ສາຍການບິນ ລາວ ຈະຊ່ອຍ ຍົກຣະດັບ ການບີນລາວ ໃນການ ແຂ່ງຂັນກັບ ສາຍການບິີນ ຂອງ ປະເທດອຶ່ນໆ ໃນຂົງເຂດ ໃນ ນະໂຍບາຍ ການເປິດ ນ່ານຟ້າ ເສຣິ ອາຊຽນ ໃນອະນາຄົດ ຈະໃຫ້ ບໍຣິການ ແບບ ມາຕຖານ ສາກົນ ໃນ ການແຂ່ງຂັນ ທິ່ຮ່ວມດ້ວຍ ບ່ອນນັ່ງ ສຳລັບ ຊັ້ນທີນື່ງ, ຊັ້ນ ນັກທຸຣະກິຈ ແລະ ສຳລັບ ຜູ້ ໂດຍສານ ທົ່ວໄປ ຮວມ 142 ບ່ອນນັ່ງ.

ປັຈຈຸບັນ ສາຍການບິນ ລາວ ຈະໃຊ້ ບໍຣິການ ວຽງຈັນ ບາງກອກ, ວຽງຈັນ ຂຸນຫມິງ ວຽງຈັນ ສິງກະໂປ ວຽງຈັນ ສຽມຣຽບ ວຽງຈັນ ໂຮຈິມິນ ແລະ ໃນ ອະນາຄົດ ອາດຈະ ບໍຣິການ ວຽງຈັນ ເຊອູນ ເກົາຫລິໃຕ້ ແລະ ວຽງຈັນ ກວງຈູ ຈິນ ແຜ່ນດິນໃຫຍ່.
ການລົງທຶນ ສັ່ງຊື້ຍົນ ແອຣ໌ບັສ ແມ່ນໄດ້ ກູ້ເງິນ ຈາກ ທະນາຄານ ການຄ້າ ແລະ ທະນາຄານ ຂາເຂົ້າ ຂາອອກ ຂອງ ສປປລາວ ໃນ ຣາຄາ ປະມານ 91 ລ້ານ ໂດລາ ສະຫະຣັດ.