ວຽດນາມຊີ້ເອົາ ຄ້າຍທະຫານ “ກາຟ້າ“

ຄ້າຍທະຫານ ທີ່ເກົ່າແກ່ ທີ່ເອີ້ນກັນວ່າ “ຄ້າຍກາຟ້າ” ຕັ້ງຢູ່ບ້ານ ຂົວຫລວງ ເມືອງ ຈັນທະບູຣີ ນະຄອນຫລວງ ວຽງຈັນ ກໍາລັງ ຈະຖືກມ້າງຖິ້ມ ເພື່ອສ້າງເປັນ ສູນການຄ້າ ຂອງ ບໍຣິສັດ ຈາກ ປະເທດ ວຽດນາມ.
ສົມເນ
2012.12.18

ຕາມຄໍາເວົ້າ ຂອງ ຊາວນະຄອນຫລວງ ວຽງຈັນ ທ່ານນື່ງ:

"ຄ້າຍກາຟ້າ ຕອນນີ້ ກະເຮັດເປັນ ຄອມເປລັກສ໌ ຄືກັນ ຂ້ອຍເບິ່ງ ມື້ວານນີ້ ເຮັດເປັນ ປລາຊາ ຂອງ ບໍຣິສັດ BIM group ຂອງ ວຽດນາມ ເປັນຜູ້ເຮັດອີກ ຂະເຈົ້າ ກະມາ ຮື້ອອກໃຫ້ ຂະເຈົ້າຍ້າຍ ໄປຢູ່ບ່ອນໃໝ່ ເອົາຄ້າຍ ທະຫານ ໄປຢູ່ ບ່ອນໃໝ່".

ເມື່ອຖາມຄວາມເຫັນ ຈາກ ຊາວລາວ ຫລາຍຄົນ ບາງຄົນກໍຢາກ ຮັກສາ ສະຖານທີ່ ນີ້ໄວ້ເປັນທີ່ ລະລືກ ປວັດສາດ ເພາະວ່າມັນ ເປັນຄ້າຍ ເກົ່າແກ່ ສະໄໝ ຝຣັ່ງເສສ ປົກຄອງ ຊື່ງຄວນອານຸຮັກ ໄວ້ ຫລືບໍ່ດັ່ງນັ້ນ ກໍເຮັດເປັນ ສະຖານທີ່ ສາທາຣະນະ ເພື່ອເປັນເອກລັກ ຂອງຊາຕ, ແຕ່ແລ້ວມັນ ກໍກາຍເປັນ ເອກກະລັກ ຂອງ ຕ່າງຊາຕໄປ. ຊາວລາວ ບາງຈໍານວນ ເວົ້າວ່າ ຜູ້ຫລັກຜູ້ໃຫ່ຽ ທຸກວັນນີ້ ມີຫົວທືນນິຍົມ ຝັງແໜ້ນຫລາຍ ປະຊາຊົນ ຈະເວົ້າຫຍັງລົງໄປ ເພິ່ນບໍ່ເອົາ ຫົວຊາ ສົນໃຈນໍາ ແຕ່ກ້ອນເງິນ ການລົງທືນ ຢ່າງດຽວ.

ປັດຈຸບັນນີ້ ສະຖານທີ່ ສໍາຄັນໆ ຫລາຍແຫ່ງ ໃນນະຄອນຫລວງ ວຽງຈັນ ເປັນຕົ້ນໜອງທາ ບືງທາດຫລວງ ຫາດດອນຈັນ ໜອງປີງ ແລະ ແຫ່ງອື່ນໆ ກໍາລັງຖືກ ພັທນາ ໃຫ້ ເປັນສູນການຄ້າ ແລະ ການບໍຣິການ ໂດຍແມ່ນນັກ ທຸຣະກິດ ແລະ ພໍ່ຄ້າຊາວຂາຍ ຈາກ ຕ່າງປະເທດ ເຂົ້າມາຢູ່ແທນ ຄົນລາວ.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.