ຄວາມຜິດພາດຂອງ USA ເຣື່ອງສ້າງເຂື່ອນ

ມາດາມ Clinton ກ່າວເຕື່ອນ ຫລັງຈາກ ສປປລາວ ປະກາດ ໂຈະ ການສ້າງເຂື່ອນ ໄຊຍະບຸຣີ ຊຶ່ງເປັນເຂື່ອນ ໃນ ແມ່ນ້ຳຂອງ ແຫ່ງທຳອິດ ໃນເຂດລຸ່ມ ແມ່ນ້ຳຂອງ. ມາດາມ Clinton ກ່າວວ່າ “ທ່ານຂໍເວົ້າ ຊື່ໆວ່າ ສະຫະຣັຖ ຕັດສິນໃຈ ຜິດພາດ ຢ່າງໜັກ ທີ່ໄດ້ສ້າງ ໂຄງຮ່າງ ພື້ນຖານ ໃສ່ ແມ່ນ້ຳ Mississippi. ສະຫະຣັຖ ມີບົດຮຽນ ທີ່ເຈັບແສບ ຈາກ ການກໍ່ສ້າງ ເຫລົ່ານັ້ນ. ມາດາມ Clinton ຄິດວ່າ ສະຫະຣັຖ ສາມາດ ໃຫ້ບົດຮຽນ ແລະ ການຊ່ວຍເຫລືອ ແກ່ປະເທດ ເຂດອ່າງ ແມ່ນ້ຳຂອງ ໄດ້ ເພື່ອຫລີກລ້ຽງ ຄວາມຜິດພາດ ທີ່ ສະຫະຣັຖ ໄດ້ປະສົບ ພົບພໍ້ມາ”.

ແມ່ນ້ຳ Mississippi ເປັນແມ່ນ້ຳໃຫຍ່ ໄຫລຜ່ານ ພາກກາງ ຂອງ ສະຫະຣັຖ ແຕ່ເໜືອ ຮອດໃຕ້ ແຕ່ຍ້ອນມີ ການສ້າງສາ ຫລາຍ ແມ່ນ້ຳນັ້ນ ໃນປັດຈຸບັນນີ້ ຕື້ນ ມີຫາດຊາຍ ພົ້ນ ຂື້ນມາ ແລະ ນ້ຳກໍໄຫລ ບໍ່ສະດວກ ຍາມຝົນຕົກ ຈື່ງເກີດ ນ້ຳຖ້ວມເລື້ອຍໆ.

ຣັຖມົນຕຣີ ການຕ່າງ ປະເທດ ສະຫະຣັຖ ໄດ້ຮຽກຮ້ອງ ໃຫ້ມີການ ສຶກສາສຳຣວດ ຄືນອີກ ເທື່ອນຶ່ງ ກ່ອນຈະສ້າງ ເຂື່ອນ ໄຊຍະບຸຣີ ແລະ ສະຫະຣັຖ ພ້ອມແລ້ວ ທີ່ຈະໃຫ້ ການ ຊ່ວຍເຫລືອ ໃນເຣື່ອງ ສຶກສາ ສຳຣວດ ດັ່ງກ່າວນັ້ນ.

ຣັຖມົນຕຣີ Clinton ກ່າວຕໍ່ ຣັຖມົນຕຣີ ການຕ່າງ ປະເທດ ໃນເຂດລຸ່ມ ແມ່ນ້ຳຂອງ ທີ່ປະເທດ ກຳພູຊາ ເມື່ອວັນສຸກ ຜ່ານມາວ່າ ເຂດອ່າງ ແມ່ນ້ຳຂອງ ເປັນສິ່ງ ມະຫັສຈັນ ຢ່າງນຶ່ງ ຂອງໂລກ.