ໄທຽຄາດວ່າຄົນລາວ ຈະຫາວຽກຢູ່ລາວໄດ້

ທາງສຳນັກງານ ບໍຣິຫາຣແຮງງານ ຕ່າງດ້າວຂອງໄທຽ ຄາດວ່າ ກາຣຈະເຣີນ ເຕີບໂຕ ທາງດ້ານກາຣຄ້າ ກາຣລົງທຶນຢູ່ ເມືອງລາວ ໂດຽນັກລົງທຶນ ຊາວຕ່າງປະເທສ ທີ່ມີຫລາຍເພີ່ມ ຂຶ້ນເລື້ອຽໆນັ້ນ ຈະເປັນກາຣຊ່ວຍ ໃຫ້ປະຊາຊົນລາວ ມີວຽກເຮັດງານທຳ ເພີ່ມຂຶ້ນເຊັ່ນກັນ ພ້ອມກັບຈະເປັນ ກາຣແກ້ບັນຫາ ໃນອະນາຄົຕ ດັ່ງທ່ານ ສຣີໄພຣ໌ ແກ້ວການຈນາ ເຈົ້າໜ້າທີ່ຂອງ ສຳນັກງານດັ່ງກ່າວ ໄດ້ກ່າວວ່າ:

“ທາງກາຣໄທຽ ບໍ່ຄວນທີ່ຈະຫວັງ ໃຫ້ມີຄົນງານ ຈາກປະເທສລາວ ເຂົ້າມາເຮັດວຽກ ໃນໄທຽຕື່ມຕໍ່ໄປ ເພາະຢູ່ເມືອງລາວ ກໍມີກາຣພັທນາ ຢ່າງຫລວງຫລາຍ ໂດຽທີ່ທາງ ກາຣລາວໄດ້ເປີດ ໃຫ້ນັກລົງທຶນ ຈາກຕ່າງປະເທສ ເຂົ້າມາ ສະນັ້ນບັນຫາ ທີ່ປະຊາຊົນ ຊາວລາວ ທີ່ບໍ່ມີວຽກເຮັດ ງານທຳ ກໍຈະຫລຸດຫນ້ອຍ ລົງໄປເລື້ອຽໆ”.

ໃນຂະນະດຽວກັນ ທາງກາຣກ່ຽວຂ້ອງ ຝ່າຍໄທຽ ກໍຣາຍງານວ່າ ອັຕຣາກາຣຈະເຣີນ ເຕີບໂຕຂອງ ເສຖກິຈໃນລາວນັ້ນ ກໍເພີ່ມທະວີ ຂຶ້ນເລື້ອຽໆ ໂດຽມີນັກລົງທຶນ ຈາກ ຕ່າງປະເທສເຂົ້າໄປ ຝຶກອົບຮົມ ຊາວລາວ ໃຫ້ມີຝີມື ເພື່ອຕຣຽມເຂົ້າ ຮັບຈ້າງໃນດ້ານ ວຽກງານ ແລະທຸຣະກິຈຕ່າງໆ ໃນລາວ ທີ່ຍິ່ງຈະມີ ເພີ່ມຂຶ້ນຕື່ມ ໃນອະນາຄົຕ ແລະບັນຫາທີ່ມີ ຄົນງານຊາວລາວ ລັກລອບເຂົ້າມາ ຫາເຮັດວຽກງານ ໃນໄທຽ ກໍຈະຄ່ອຍຫລຸດ ລົງໄປເຊັ່ນກັນ.

ເຖິງຢ່າງໃດກໍຕາມ ຄວາມຕ້ອງກາຣ ດ້ານແຮງງານ ຊາວຕ່າງດ້າວ ໂດຽສະເພາະຈາກ ປະເທສລາວນັ້ນ ທາງກາຣກ່ຽວຂ້ອງ ຝ່າຍລາວ ກໍຍັງບໍ່ສາມາດ ຈັດຫາຄົນງານ ໃຫ້ໄດ້ຕາມກໍາໜົດ ທີ່ຕ້ອງກາຣ ຕາມທີ່ໄດ້ບົ່ງໄວ້ ໃນຂໍ້ຕົກລົງ ຣະຫວ່າງລາວ-ໄທຽ ນັ້ນແຕ່ຢ່າງໃດ ໃນປັຈຈຸບັນນີ້.