ລາວ-ພະມ້າ ເພີ້ມຄວາມສັມພັນ ເຂດຊາຍແດນ

ໜັງສືພິມ New Light of Myanmar ສະບັບ ວັນອາທິດທີ 28 ກຸມພາ 2010 ນີ້. ຂໍ້ຕົກລົງ ໄດ້ຖືກທັງສອງຝ່າຍ ຮັບຮອງເອົາ ໃນກອງປະຊຸມ ຄັ້ງທີ 9 ລະຫວ່າງ ສປປລາວ ແລະ ເຈົ້າໜ້າທີ່ທາງ ການຂອງພະມ່າ ທີ່ໄດ້ຈັດຂື້ນຢູ່ ນະຄອນຫລວງ ວຽງຈັນ ລະຫວ່າງວັນທີ 22 ຫາ 26 ກຸມພາ 2010 ຜ່ານມາ. ໃນກອງປະຊຸມ 5 ວັນນີ້ ທັງສອງຝ່າຍ ໄດ້ປຶກສາຫາລື ແລະ ເຊັນສັນຍາ ວ່າດ້ວຍການ ຮ່ວມມື ຂອງອຳນາດ ການປົກຄອງເຂດ ຊາຍແດນສອງຝ່າຍ, ວ່າດ້ວຍການ ຈັດຕັ້ງ ໃບອະນຸຍາດ ຜ່ານແດນ ແລະ ດ່ານກວດກາ ເຂດຊາຍແດນ, ວ່າດ້ວຍການ ເດີນເຮືອ ໃນແມ່ນ້ຳຂອງ, ການຄ້າຂ້າມ ເຂດຊາຍແດນ, ວ່າດ້ວຍການ ຮ່ວມມື ການປາບປາມ ຢາເສບຕິດ, ການກວດສອບ ແລະ ການສ້ອມແປງ ຮັກສາເຂດໝາຍຫລັກ ຊາຍແດນ. ທາງຝ່າຍພະມ່າ ແມ່ນຮອງ ຣັຖມົນຕຣີ ກະຊວງການ ຕ່າງປະເທດ ທ່ານ U Maung Myint ເປັນຜູ້ຕາງໜ້າ ເຂົ້າຮ່ວມໃນ ກອງປະຊຸມ ຄັ້ງນີ້. ທັງ ສປປລາວ ແລະ ພະມ່າ ໄດ້ເນັ້ນໜັກໃສ່ ການຣັກສາ ຄວາມສງົບປອດພັຍ ແລະ ພັທນາບໍລິເວນ ເຂດຊາຍແດນ.