ບໍ່ແຮ່ທອງແດງ ເມືອງເຊໂປນ ຈະຂຍາຍພື້ນທີ່

ເຈົ້າໜ້າທີ່ຜແນກ ພລັງງານບໍ່ແຮ່ ໃນແຂວງ ສວັນນະເຂດ ກ່າວວ່າທາງ ບໍຣິສັດ ຂຸດຄົ້ນທອງແດງ ຈະຂຍາຍພື້ນທີ່ ຂຸດຄົ້ນແຮ່ ທາດທອງແດງ ອີກປະມານ7-8 ບ່ອນເພື່ອຜລິດ ທອງແດງສົດໃຫ້ໄດ້ ນຶ່ງແສນໂຕນຕໍ່ປີ ຈາກການຜລິດ ໃນປັດຈຸບັນ 60,000ໂຕນຕໍ່ປີ. ທ່ານວ່າໃນຂນະນີ້ ຣັຖບານກໍາລັງ ປະເມີນຜົນສະທ້ອນ ດ້ານສະພາບແວດລ້ອມຢູ່:

"ກ່ອນຈະເພີ້ມນີ້ ມັນຕ້ອງມີການ ຂຍາຍໂຮງງານນໍ ໂຮງງານຕ້ອງມີ ການຂຍາຍ ກໍາລັງສຶກສາ ແຕ່ມັນບໍ່ແມ່ນ ປີນີ້ດອກ 2009ນີ້ ຫລັງຈາກຝົນ ເລີ້ມຂຍາຍ ໂຮງງານ ຈະຂຍາຍຂື້ນໄປ ຈົນເຖິງແສນໂຕນຕໍ່ປີ."

ພື້ນທີ່ ທີ່ຈະຂຸດຄົ້ນໃໝ່ ມີທັງໝົດ7-8ບ່ອນ ຕັ້ງຢູ່ໄກ້ໆກັບ ບໍຣິເວນ ພູແທ່ງຄໍາ ເມືອງວີຣະບຸຣີ ແຂວງສວັນນະເຂດ ເປັນພື້ນທີ່ ທີ່ຣັຖບານ ອະນຸຍາດ ສັມປະທານ ທີ່ດິນແລ້ວ ແຕ່ຈະຕ້ອງລໍຖ້າ ຄໍາຕອບຈາກຣັຖບານ ຫລັງຈາກທາງ ບໍຣິສັດ ໄດ້ສະເໜີຜົນ ຂອງການສຶກສາ ຜົນສະທ້ອນຕໍ່ ສະພາບແວດລ້ອມ ແລ້ວ:

"ການສຶກສາ ສະພາບແວດລ້ອມ ນີ້ກໍາລັງຈະ ຜ່ານຣັຖບານຢູ່ ເຂົາເຈົ້າກໍຜ່ານ ມາສອງສາມເດືອນແລ້ວ ດຽວນີ້ກໍຖືກ ຣັຖບານພິຈາຣະນາ ໃຫ້ເຂົາເຈົ້າປັບປຸງ ນ້ອຍນຶ່ງ ເດືອນໜ້າເດືອນໃນ ຈະສໍາເຣັດແລ້ວ."

ທ່ານວ່າການສໍາຣວດ ຜົນສະທ້ອນໃສ່ ສະພາບແວດລ້ອມ ພົບວ່າເນື້ອທີ່ ປ່າໄມ້ຈະສູນເສັຽ ມີຜົນສະທ້ອນ ໃສ່ຊີວະນານາພັນ ສ່ວນການໃຊ້ຣະເບີດ ນັ້ນກໍຈະມີຜົນ ກະທົບໃສ່ຖໍ້າ ທໍາໃຫ້ເກີດສຽງດັງ ແລະມີຂີ້ຝຸ່ນ ຫລາຍຂື້ນ.