ສປປລາວ ກວດກາໂຄງກາຣ ເຊົ່າແລະສັມປະທານທີ່ດິນ

ກາຣທີ່ທາງຣັຖບາລ ຕ້ອງເອົາມາຕກາຣ ດັ່ງກ່າວ ກໍຍ້ອນວ່າມີ ກາຣອະນຸມັດ ທີ່ດິນຂອງຣັຖ ຕາມເຂຕແຂວງຕ່າງໆ ແບບບໍ່ເປັນຣະບົບ ແລະ ກາຣດຳເນີນ ວຽກງານ ຂອງນັກລົງທຶນ ໃນບາງໂຄງກາຣ ກໍບໍ່ທັນສອດຄ່ອງ ກັບນະໂຍບາຍ ແລະ ກົດໝາຍຂອງພັກ-ຣັຖ ເປັນກາຣສ້າງ ຜົລກະທົບ ຕໍ່ສິ່ງແວດລ້ອມ ແລະ ສ້າງຄວາມເດືອດຮ້ອນ ໃຫ້ແກ່ປະຊາຊົນ ທ້ອງຖິ່ນ.

ບາງໂຄງກາຣກໍກວມ ເອົາເຂຕປ່າສງວນ ແຫ່ງຊາຕ ເຂຕປ່າປ້ອງກັນ ແຫລ່ງນ້ຳ ແລະເຂຕ ພື້ນທີ່ດິນ ສຳຫລັບກາຣເພາະປູກ ຂອງປະຊາຊົນ ແລະ ຍ້ອນນັກລົງທຶນ ເຂົ້າບຸກຣຸກເກີນ ຂອບເຂຕ. ນອກຈາກນັ້ນ ຍັງມີກາຣລັກລອບ ຂຸດຄົ້ນເອົາ ຊັພຍາກອນທັມມະຊາຕ ຕລອດຮອດກາຣ ຕັດໄມ້ທຳລາຍປ່າ ຢ່າງບໍ່ຖືກຕ້ອງຕາມ ກົດໝາຍ.

ກາຣທີ່ເກີດມີບັນຫາ ດັ່ງກ່າວ ກໍອາຈເປັນຍ້ອນວ່າ ບໍ່ມີກາຣຈັດສັນ ແບ່ງເຂຕ ແລະ ປະເພສກາຣນຳໃຊ້ ທີ່ດິນມາແຕ່ກ່ອນ ກໍເປັນໄດ້ ໂດຽສະເພາະຍ້ອນ ຂາດກາຣ ສຳຣວຈແລະສຶກສາ ເບິ່ງຄວາມເໝາະສົມ ຂອງພື້ນທີ່ດິນ ຢ່າງຮອບຄອບເສັຽກ່ອນ ກ່ອນທີ່ຈະອະນຸຍາຕ ໃຫ້ມີກາຣ ສັມປະທານ ເພື່ອກາຣພັທນາ ຕ່າງໆນັ້ນ.