ໝອກຄວັນ ຈາກກາຣ ຈູດປ່າ ເພື່ອເຮັດໄຮ່
2009.03.16
ນັບແຕ່ຕົ້ນເດືອນ ມີນາ ນີ້ມາ
ປະຊາຊົນຕາມເຂຕ ຊົນນະບົທ ໂດຽສະເພາະ ຕາມເຂຕພູສູງ ໃນແຂວງຫລວງພຣະບາງ ໄດ້ເຣີ່ມຖາກຖາງປ່າ ແລະມີກາຣຈູດ ໄຮ່ເພື່ອທຳມາຫາກິນ
ແລະພ້ອມດຽວກັນ ກໍໄດ້ສົ່ງຜົລ ໃຫ້ເກີດມີໝອກຄວັນ ທີ່ໜາແໜ້ນເປັນວົງກວ້າງ
ເຖີງຂັ້ນເຮັດໃຫ້ ປະຊາຊົນໄດ້ ຮັບຄວາມລຳບາກ ໃນກາຣຫາຍໃຈ ດັ່ງທ່ານພັນ ຈັນທະດາຣາ
ປະຊາຊົນຊາວລາວ ແຂວງຫລວງພຣະບາງ ໄດ້ກ່າວວ່າ:
“ດຽວນີ້ພາວະອາກາສອົບເອົ້າຫລາຍ ແລ້ວກໍຄວັນໄຟເຂົາຈູດບ້ານ ຈູດໄຮ່ນີ້ຫລາຍ ເບີ່ງມອງບໍ່ເຫັນໜ່ວຍພູເລີຽ ຈູດເອົາທີ່ເພື່ອທຳກາຣຜລິຕ ຈູດເຜົາໄຮ່ໃນຊ່ວງ 1 ອາທິຕ-2 ອາທິຕນີ້ນ໋າ”
ຊາວລາວຜູ້ນີ້ ໄດ້ແຈ້ງເພີ່ມວ່າ ເຣີ່ມແຕ່ເດືອນ ມີນາ ຂອງທຸກໆປີ ທົ່ວແຂວງ ຫລວງພຣະບາງ ຈະປະສົບກັບ ບັນຫາທີ່ ປະຊາຊົນ ດຳເນີນກາຣ ຖາກຖາງປ່າ ແລະຈູດເຜົາໃນເຂຕພື້ນ ທີ່ໃຜມັນເພື່ອ ຕຣຽມກາຣປູກຝັງ ເຖີງແມ່ນທາງ ກາຣແຂວງໄດ້ ພຍາຍາມບອກ ເຕືອນເຖີງດ້ານຜົລກະທົບ ຊື່ງນອກຈາກເປັນກາຣທຳລາຍປ່າແລ້ວ ຍັງໄດ້ເຮັດໃຫ້ ເກີດມີອາກາດ ອົບເອົ້າຕື່ມອີກ ຊື່ງເປັນກາຣສົ່ງ ຜົລຕໍ່ພາວະເຮັດ ໃຫ້ໂລກຮ້ອນ ນຳອີກ ດັ່ງທີ່ທ່ານ ໄດ້ກ່າວເພີ່ມວ່າ:
“ມັນເຮັດໃຫ້ຫາຍໃຈບໍ່ຢາກຄັກແລ້ວນ໋າ ອາກາສແບບນີ້ນ໋າ ດຽວນີ້ກໍບໍ່ເຫັນ ເຮົາມີຫຍັງວີທີທີ່ແກ້ໄຂຈັກເທື່ອ ດຽວນີ້ບໍ່ມີຫຍັງນ໋າ ມີແຕ່ທຳປ່າຕາມທັມມະຊາຕດີໝົດຫັ້ນນ໋າ”
ກາຣເຮັດໄຮ່ ເລື່ອນລອຍດັ່ງກ່າວ ໄດ້ສ້າງ ຜົລກະທົບໃນ ກາຣທຳລາຍປ່າ ຢ່າງຫລວງຫລາຍ ໃນແຕ່ລະປີ ພ້ອມກັບໄດ້ສ້າງ ໃຫ້ເກີດມີຄວາມ ແຫ້ງແລ້ງ ແຕ່ປະຊາຊົນກໍຄົງບໍ່ມີທາງ ເລືອກທີ່ດີກວ່າ ເພາະຕ້ອງໄດ້ມີ ກາຣກະຕຣຽມ ປູກເຂົ້າໄຮ່ແລະ ພືຊພັນຕ່າງໆ ເປັນປະຈຳຕລອດມາ!!!