ຊາວບ້ານ ໂຍກຍ້າຍ ຈາກບໍຣິເວນ ບໍ່ຄໍາ

• ສິດນີ ຣາຍງານ
  2009-06-29

ການ​ໃຊ້​ ສານ​ເຄມີ ​ທີ່​​ເປັນ​ພິດ ​ໃນ​ການ​ຂຸດ​ຄົ້ນ​ ແຮ່​ທາດ​ຄຳ ທີ່​ເມືອງຄຳ​ເກີດ ​ແຂວງ​ບໍ​ຣິ​ຄຳ​​ໄຊ ​ໃນ​ຣະ​ຍະ​ຫລັງໆ​ມາ​ນີ້ ​ເຮັດ​ໃຫ້​ຊາວບ້ານ ​ຫລາຍ​ຮ້ອຍຄົນ ​ໄດ້​ຮັບຜົລກະທົບ ຈາກ​ການ​ຫາ​ຢູຸ່ຫາ​ກີ​ນ ​ແລະ ​ການໃຊ້​ນ້ຳ ຕາມ​ແມ່ນ້ຳລຳ​ທານ​ ໃນ​ເຂດ​ດັ່ງກ່າວ ທາງ​ການ​ ກ່ຽວຂ້ອງ ​ຂອງ​ແຂວງ​ ຈື່ງ​ມີ​ການ​ໂຍກ​ຍ້າຍ​ປະຊາຊົນ ອອກ​ຈາກ ​ເຂດ​ດັ່ງກ່າວ ​​ເພື່ອຄວາມ​ປອດ​ພັຍ ​ຂອງ​ພວກ​ຂະ​ເຈົ້າ. ດັ່ງ​ເຈົ້າຫນ້າ​ທີ່ ​ທ່ານ​ນື່ງ ​ໃຫ້ກ່າວວ່າ:

”ຍ້ອນ​ເຫດຜົລ ດັ່ງກ່າວ ກໍ່​ໄດ້​ຍ້າຍ​ ປະຊາຊົນ​ໃນ 7 ຫ​ມູ່ບ້ານ ອອກ​ຈາກ​ ພື້ນທີ່ ​ເພາະວ່າ​ ຂະ​ເຈົ້າຈະ​ໃຊ້​ນ້ຳ ຂະ​ເຈົ້າ ຈະ​ຫາ​ກີ​ນ ຕາມ​ແຫ​ລ່ງ ທັມມະ​ຊາດ ​ທີ່ຢູ່ອາສັຍ ​ໃນ​ບໍ​ຣິ​ເວນ ​ດັ່ງກ່າວ ກໍ່​ແນ່ນອນ ທີ່​ຈະ​ມີ​ຜລົກະທົບ​ ທີ່​ບໍ່ດີ ​ໃນ​ອານາ​ຄົດ.”

ທ່ານ​ວ່າ ທາງ​ການ ຈະ​ຈັດ​ສັນ​ ຊາວບ້ານ ​ໃນ 7 ຫມູ່​ບ້ານ ຈາກ​ຄຳ​ເກີດ ​ໄປ​ຢູ່​ເມືອງ​ບໍ​ຣິ​ຄັນ ​ໃນ​ພື້ນທີ່ ທີ່​ພວກ​ຂະ​ເຈົ້າ ຈະ​ສາມາດ ​ປູກຝັງ​ ທຳ​ມາ​ຫາ​ກີ​ນ​ໄດ້ ​ແລະ ​ຈະ​ມີ​ການ​ຈ່າຍ​ຄ່າ​ຊົດ​ເຊີຍ ​ໃຫ້ ຊື່​ງ​ໃນ​ປັດຈຸບັນ ຊາວບ້ານ​ບາງ​ຄົນ ກໍ່​ຍັງ​ ບໍ່ຮູ້​ເຖີງ ອັນຕຣາ​ຍ ທີ່ຈະ​ເກີດ​ຂື້ນ ​ກັບ​ພວກ​ຂະ​ເຈົ້າ ຈາກ​ສານ​ເຄມີ ​ເທົ່າ​ເຖີງປັດຈຸບັນ ກໍ່​ຍັງ ​ບໍ່​ມີ​ລາຍ​ງານ​ວ່າ ມີ​ການ​ເຈັບ​ປ່ວຍ ​ເກີດ​ຂື້ນ​ ກັບ​ຊາວບ້ານ ຍ້ອນ​ເຫດການ ​ດັ່ງກ່າ​ວນີ້​​ເທື່ອ. ຫນ່ວຍ​ງານ ​ດ້ານ​ສີ່​ງ​ແວດ​ລ້ອມ ​ກໍ່​ໄດ້​ຕັກ​ເຕືອນ ບໍ​ຣິ​ສັດ​ ກ່ຽວກັບ​ ການ​ໃຊ້​ສານ​ເຄມີ ທີ່​ເປັນ​ພິດ ​ແຕ່​ກໍ່​ບໍ​ຟັງ ຈື່ງ​ສັ່ງ​ໃຫ້ ​ມີ​ການປີດ​ໂຮງງານ​ ດັ່ງກ່າວ ທ່ານ​ກ່າວ​ ​ເພີ້​ມອີກ​ວ່າ:

”​ເຕືອນ​ຫລາຍ​ຄັ້ງ​ແລ້ວ ຖືກ​ເຕືອນ​ແລ້ວ ກໍ່​ຖືກ​ເຮັດ ​ບົດ​ບັນ​ທືກ​ ມາ​ຫລາຍ​ຄັ້ງ ​ແລ້ວ​ຍັງ ​ປ່ອຍ​ສີ່​ງ ດີ​ລົງ​ແມ່ນ້ຳ ​ເຮັດ​ໃຫ້​ແມ່ນ້ຳ​ເປື້ອນ​ເປີ້​ ໄປ​ດ້ວຍ​ສານ​ຊາຍ​ນາຍ ກໍ່​ໃກ້​ຄຽງ​ກັບປຮອນ​ນັນ​ແລ້ວ.