ສິນຄ້າປະເພດພືດພັນ ເຊັ່ນຜັກບົ່ວ ຜັກທຽມໝາກເຜັດໝາກເຂືອ ແລະອື່ນໆ ໂດຍສະເພາະພືດພັນຈາກການກະເສດທີ່ນຳເຂົ້າມາຕາມແຂວງ ຕ່າງໆທີ່ມີ ເຂດແດນ ຕິດກັນກັບປະເທດ ເພື່ອນບ້ານນັ້ນ ເກືອບວ່າຣັຖບານຈະບໍ່ ສາມາດຄວບຄຸມ ໄດ້ແລ້ວ.
ແຂວງທາງພາກເໜືອຂອງປະເທດ ໄດ້ຮັບ ຄວາມກະທົບ ຢ່າງຫຼາຍຈົນເປັນເຫດໃຫ້ຜູ້ຄົນບໍ່ມີ ວຽກເຮັດງານທຳຍ້ອນບໍ່ສາມາດຜລິດ ສິນຄ້າໄປ ແກ່ງແຍ້ງແຂ່ງຂັນກັບສິນຄ້າທີ່ນຳເຂົ້າມາ ຈາກຕ່າງປະເທດໄດ້.
ຕໍ່ບັນຫານີ້ທ່ານສັນຕິສຸກວິໄລຈະເລີນຫົວໜ້າ ກົມການຄ້າພາຍໃນກະຊວງ ອຸດສາຫະກຳການຄ້າ ໄດ້ໃຫ້ຄວາມເຫັນວ່າ:
" ນີ້ ເປັນ ຈຸດ ອ່ອນ ນຶ່ງ ໃນ ການຄຸ້ມ ຄອງ ສິນຄ້າ ຂອງ ພວກ ເຮົາ ແລະ ກໍ ບໍ່ ສາມາດ ຢັບຢັ້ງ ໄດ້ ຫາກ ທ້ ອງຖິ່ນ ບໍ່ ມີ ຄວາມ ເປັນ ເຈົ້າການ ໃນ ການ ກວດກາ ແລະ ຄຸ້ມ ຄອງ ທີ່ ດີ ."
ທ່ານສເນີວ່າ ຖ້າຢາກແກ້ໄຂໃຫ້ດີຂື້ນອຳນາດ ການປົກຄອງ ທ້ອງຖິ່ນ ແລະຂແນງການທີ່ກ່ຽວຂ້ອງຈົ່ງໄດ້ຮ່ວມແຮງຮ່ວມໃຈກັນສະກັດກັ້ນການນຳເຂົ້າສິນຄ້າທີ່ບໍ່ຖືກຕ້ອງຕາມກົດໝາຍ ໃຫ້ມີປະສິດທິຜົນ.
ອີກ ຈຸດອ່ອນອັນນຶ່ງ ໃນການຄວບຄຸມວຽກງານ ການຄ້າ ແມ່ນການລັ່ງໄຫຼເຂົ້າມາ ຄ້າຂາຍຍ່ອຍ ແບບຜິດກົດໝາຍຂອງຊາວຕ່າງດ້າວ. ເປັນຕົ້ນແມ່ນຊາວຈີນ ແລະຊາວວຽດນາມຊຶ່ງຍັງມີ ແຜ່ຂຍາຍຫຼາຍຢູ່ໃນປະເທດລາວ.
ປາກົດການນີ້ເຮັດໃຫ້ລາວເສັຍຜົນປໂຍດຢ່າງຫຼວງຫຼາຍບໍ່ວ່າ ຈະເປັນດ້ານ ການຄຸ້ມຄອງຣາຄາສິນຄ້າການທີ່ລາຍໄດ້ຫົ່ວໄຫຼອອກນອກປະເທດການທີ່ພວກຂະເຈົ້າໄດ້ຍາດແຍ່ງອາຊີບ ການງານຂອງລາວໄປ ແລະອັນສຸດທ້າຍກໍແມ່ນ ໄດ້ລັກລອບເອົາສິນຄ້າ ເຂົ້າມາຍາດແຍ່ງເອົາສ່ວນແບ່ງການຕລາດ ພາຍໃນດ້ວຍ.