ພລັງງານສະອາດ ໃນເຂຕເອເຊັຽ ປາຊີຝິກ

ກອງປະຊຸມ ໄດ້ຈັດຂຶ້ນທີ່ ກຸງມະນີລາໃນມື້ວັນຈັນ ນີ້ເປັນເວລາ 5 ມື້ ໂດຽມີຜູ້ຕາງໜ້າ ຫລາຍຮ້ອຍຄົນຈາກ ທົ່ວໂລກ ຊຶ່ງກໍຮວມທັງ: ຜູ້ອອກ ນະໂຍບາຍ ນັກຊ່ຽວຊານ ດ້ານພລັງງານ ກາຣລົງທຶນ ທຸຣະກິຈກາຣຄ້ານ ແລະເທຄໂນໂລຈີ ຕ່າງໆເຂົ້າຮ່ວມ ເພື່ອຫາວິທີທາງ ນຳໃຊ້ພລັງງານ ສົ່ງເສີມ ປະຊາຊົນ ໃນບັນດາປະເທດ ທີ່ທຸກຍາກ ແລະໃຫ້ມີກາຣ ປົກປັກຮັກສາ ສະພາບແວດລ້ອມ ນຳດ້ວຍ.

ທ່ານ Haruhiko Kuroda ປະທານທະນາຄາຣ ພັທນາເອເຊັຽ ໄດ້ກ່າວໃນ ພິທີເປີດກອງ ປະຊຸມວ່າ ທາງສະຖາບັນ ກາຣເງິນມີເປົ້າໝາຍ ໃນກາຣສົ່ງເສີມ ບັນດາ ປະເທສສະມາຊິກ ໃນດ້ານກາຣພັທນາ ໃຫ້ມີພລັງງານ ທີ່ສະອາດ ໃນທົ່ວພູມີພາຄ ເອເຊັຽ.

ໃນຂນະດຽວກັນ ທ່ານ Olivier Carduner ຜູ້ອຳນວຍກາຣ ຂອງອົງກາຣພັທນາ ແລະ ກາຣຊ່ວຽເຫລືອ ຫລື USAID ຂອງສະຫະຣັຖ ກໍວ່າ ໃນພູມີພາຄ ເອເຊັຽ ເປັນເຂຕທີ່ຄວນ ຈະໄດ້ຮັບກາຣ ພັທນາດ້ານ ພລັງງານທີ່ສະອາດ ທີ່ສຳຄັນທີ່ສຸດ ໃນເຂຕເອເຊັຽ ແລະພ້ອມທີ່ຈະໃຫ້ ກາຣສນັບສນູນ ຕາມໂຄງກາຣຂອງ ທະນາຄາຣ ພັທນາເອເຊັຽ ທີ່ມີກຳໜົດ ຈັດຂຶ້ນ ໂດຽສະເພາະ ໂຄງກາຣສ້າງຕັ້ງ ໂຮງໄຟຟ້າພລັງງານ ແສງອາທິຕ ທີ່ວ່າຈະສາມາດ ຜລິດກະແສໄຟຟ້າ ໄດ້ເຖິງ 3,000 ເມກາວັຕ ໃຫ້ໄດ້ພາຍ ໃນປີ 2012 ທີ່ຈະມາເຖິງ ນີ້ນັ້ນ.