ແຜ່ນດິນໄຫວ ທີ່ໃຕ້ຫວັນ
ເກີດເຫດແຜ່ນດິນໄຫວ ທີ່ໃຕ້ຫວັນ ໃນວັນຈັນນີ້ ເຮັດໃຫ້ຍີ່ປຸ່ນ ຊຶ່ງເປັນປະເທດ ທີ່ຢູ່ໃກ້ຄຽງນັ້ນ ເຕືອນໄພ ຟອງຍັກ tsunami ຢ່າງຮີບດ່ວນ ແຕ່ກໍຍັງບໍ່ທັນ ມີຣາຍງານກ່ຽວກັບ ຜູ້ໄດ້ຮັບບາດເຈັບ ຫລືຄວາມເສັຽຫາຍ ຍ້ອນໃດໆເທື່ອ.
-
ມະນີຈັນ
2009-08-17 -
-
-
Your browser doesn’t support HTML5 audio
ຕາມຣາຍງານຂ່າວຈາກ ນະຄອນ Taipei ມີເຫດແຜ່ນດິນໃຫວ ທີ່ເກີດຂຶ້ນໃນ ເວລາ8ໂມງ5ນາທີ ຕອນເຊົ້າ ຂອງວັນຈັນນີ້ ຕາມເວລາທ້ອງຖີ່ນ ມີຈຸດໃຈກາງ ສັ່ນສະເທືອນຢູ່ Hualien ຕົວເມືອງທາງດ້ານ ຕາເວັນອອກສ່ຽງໃຕ້ ຂອງຊາຍຝັ່ງທະເລ ດ້ານຕາເວນອອກ ຂອງໃຕ້ຫວັນ ມີຄວາມແຮງ6.7 ຕາມການຄໍານວນຂອງ ສູນສໍາຣວດດ້ານ ທໍຣະນີສາດ ຂອງສະຫະຣັດ ອະເມຣິກາ ພາຍຫລັງທີ່ໄດ້ ຄໍານວນເບື້ອງຕົ້ນ 6.9.
ໃຕ້ຫວັນຊຶ່ງຕັ້ງຢູ່ ທາງທິດຕາເວັນອອກ ສ່ຽງໃຕ້ຂອງຈີນ ໃນອ່າວມະຫາສມຸດ ປາຊີຟິກ ມັກເກີດແຜ່ນດິນໃຫວ ຢູ່ເລື້ອຍ. ໃຕ້ຫວັນຂນະນີ້ ຢູ່ຣະຫວ່າງ ການຟື້ນຕົວຈາກ ພະຍຸໃຕ້ຝຸ່ນ ທີ່ພັດຜ່ານເຂົ້າ ໃຕ້ຫວັນເມື່ອ ວັນທີ8ຜ່ານມາ ອັນເຮັດໃຫ້ເກີດດິນເຈື່ອນ ແລະນໍ້າຖ້ວມ ໄປທົ່ວຊຶ່ງ ປະທານາທິບໍດີ Ma Ying-jeou ຄາດຄະເນໃນ ທັນທີວ່າ ຜູ້ເສັຽຊີວິດຍ້ອນ ຈະມີຫລາຍກວ່າ 500ຄົນ.
ເຫດແຜ່ນດິນໄຫວ ທີ່ຮ້າຍແຮງທີ່ສຸດ ຄັ້ງນຶ່ງຂອງໃຕ້ຫວັນ ເກີດຂຶ້ນໃນເດືອນ ກັນຍາ ປີ1999 ມີຄວາມແຮງສັ່ນສະເທືອນ 7.6 ຕາມການວັດແທກ Richter ເຮັດໃຫ້ມີຜູ້ ເສັຽຊີວິດຍ້ອນ ຫລາຍກວ່າ2400ຄົນ ແລະສ້າງຄວາມເສັຽຫາຍ ແກ່ຕຶກອາຄານ 50ພັນຫລັງ.