ສະຫະຣັຖປະກາດໃຫ້ທຶນ ສຶກສາ ຕໍ່

ສະຖານທູດສະຫະຣັຖອະເມຣິກາປະຈໍາລາວ ປະກາດໂຄງການ ໃຫ້ ທຶນແລະການແລກປ່ຽນໂດຍທົ່ວໄປແກ່ນັກສຶກສາທີ່ບໍ໋ທັນຈົບປຣິນຍາ ຕຣີຫລື UGRAD ເປີດຮັບສມັກເອົານັກສຶກສາຈາກລາວເພື່ອໄປຮຽນ ຂະແໜງວິຊາຕ່າງໆ ຢູ່ມະຫາວິທຍາໄລຂອງສະຫະຣັຖ.ໃນລະຍະສັ້ນ ເຄິ່ງປີການສຶກສາຫລືນຶ່ງປີການສຶກສາເຕັມ.ຈຸດປະສົງລວມ ຂອງໂຄງ ການແມ່ນສໍາລັບໃຫ້ຜູ້ນໍານັກສຶກສາ ກຸ່ມຕ່າງໆໃນທົ່ວເອເຊັຽ ຕະເວັນ ອອກເພື່ອໃຫ້ມີປະສົພການແລກປ່ຽນກັບມະຫາວິທຍາໄລ ຫລືວິທຍາ ໄລລະດັບສູງໃນສະຫະຣັຖໆ.

ສໍາລັບນັກສຶກສາທີ່ຮຽນຢູ່ນອກປະເທດນັ້ນຈະບໍ່ມີສິດສມັກຮັບເອົາທຶນ ດັ່ງກ່າວ. ເງື່ອນໄຂໃນການຮັບສມັກ ມີດັ່ງນີ້: 1-ເປັນຄົນລາວ ອາຍຸ ລະຫ່ວາງ 18 ຫາ 24 ປີ. ເວົ້າລະອຽດ ຕ້ອງມີອາຍຸຢ່າງຕໍ່າ 18 ປີ ໃນເວລາເດີນທາງໄປເຖິງສະຫະຣັຖແລະ 24 ປີ ຫລືນ້ອຍກ່ວາ 24 ປີໃນເວລາຍື່ນຄໍາຮ້ອງສມັກ.

2. ຮຽນຈົບປີ ທີ1 ທີ2 ຫລື ປີທີ3 ຂອງມະຫາວິທຍາໄລຫລືວິທຍາໄລຂັ້ນສູງຂອງການສຶກສາຊັ້ນປຣິນຍາຕຣີທີ່ມະຫາວິທຍາໄລຮັບຮູ້ເຄຣດິຕ.

3. ມີຄວາມຮູ້ດ້ານພາສາອັງກິດໂດຍມີຄະແນນ TOEFL ຕໍ່າສຸດ 500 ຄະແນນໝາຍເຖິງ 61 TOEFL iBTຫລື 173 TOEFL CBT.

4. ມີຄຸນນະສົມບັດການເປັນຜູ້ນໍາ ຕລອດສົກປີການສຶກສາ ເຮັດວຽກອາສາສມັກຊ່ວຍຊຸມຊົນ ຫລືເຮັດວຽກໃນກິຈກັມນອກຫລັກສູດ. ລາຍລະ ອຽດຕ່າງໆໃນການຍື່ນຄໍາຮ້ອງ ກະຣຸນນາຕິດຕໍ່ຢູ່ສະຖານທູດສະຫະຣັຖ ທີ່ນະຄອນຫລວງ ວຽງຈັນ.