ວັນກອງທັບ ແຫ່ງພຣະຣາຊອານາຈັກລາວ ຄົບຮອບ 68 ປີ

ໃນໂອກາດ ວັນສ້າງຕັ້ງກອງທັບ ແຫ່ງພຣະຣາຊອານາຈັກລາວ 23 ມິນາ ຄົບຮອບ 68 ປີ ໃນປີນີ້ ສະມາຄົມ ນັກຣົບເກົ່າ ແລະ ຜູ້ປະສົບໄພ ສົງຄາມ ແຫ່ງພຣະຣາຊອານາຈັກລາວ ໃນຂົງເຂດ ນະຄອນຫລວງວໍຊິງຕັນ ດີຊີ ໄດ້ຈັດງານ ຣະລຶກຂຶ້ນ ທີ່ເມືອງແຄັດແລັດ ຣັຖເວີຈິເນັຍ ໃນມື້ວັນທີ 24 ເມສາ 2018 ແລະອົງການ ສາມັກຄີນັກຣົບເກົ່າ ກໍາລັງທັບແຫ່ງຊາດລາວ ແລະ ກໍາລັງໜ່ວຍຣົບພິເສດ ໃນສມັຍສົງຄາມ ວຽດນາມ ໄດ້ຈັດງານ ສເລີມສລອງ ໃນມື້ດຽວກັນ ຢູ່ເມືອງ ບລູມິງຕັອນ  ຣັຖ ມິນເນໂຊຕາ ສະຫະຣັຖອາເມຣິກາ.

ທ່ານ ສຸດທາລາວົງ ບຸຕະ, ປະທານສະມາຄົມນັກຣົບເກົ່າ ແລະ ຜູ້ປະສົບໄພສົງຄາມ ແຫ່ງພຣະຣາຊອານາຈັກລາວ ໃນຂົງເຂດ ນະຄອນຫຼວງ ວໍຊິງຕັນ ດີຊີ, ໄດ້ໃຫ້ສໍາພາດ ວິທຍຸ ເອເຊັຽ ເສຣີ ໃນງານດັ່ງກ່າວ ຊຶ່ງເບື້ອງຕົ້ນ ທ່ານໄດ້ກ່າວເຖິງ ຈຸດປະສົງຂອງງານ ນັ້ນວ່າ:

(ສຽງ​ສັມ​ພາດ)

ໃນງານດັ່ງກ່າວ ທ່ານນາຍພົນ ສຸດໃຈ ວົງສະຫວັນ, ທີ່ປຶກສາກິດຕິມະສັກ ສະມາຄົມນັກຣົບເກົ່າ ແລະ ຜູ້ປະສົບໄພສົງຄາມ ແຫ່ງພຣະຣາຊ ອານາຈັກລາວ, ໄດ້ກ່າວເຖິງ ຄວາມເປັນມາ ຂອງກອງທັບ ແຫ່ງພຣະຣາຊອານາຈັກລາວ ຊຶ່ງໄດ້ຕໍ່ສູ້ ຕ້ານກອງກໍາລັງວຽດນາມເໜືອ ໃນສມັຍສົງຄາມ ບາງຕອນວ່າ:

(ສຽງສັມ​ພາດ)

ແລະຍານາງ ພູວັນນະມາລີ ພົມມະຈັນ, ພັລຍາ ມື້ລາງທ່ານພັນເອກ ບຸນເກິ່ງ ພົມມະຈັນ, ກໍກ່າວເຖິງ ຄຸນງານຄວາມດີ ຂອງນາຍ ແລະ ພົນທະຫານ ໃນການຕໍ່ສູ້ ຕ້ານສັດຕຣູ ຕລອດໄລຍະ 25 ວ່າ:

(ສຽງ​ສັມ​ພາດ)

ແລະ ຢູ່ເມືອງ ບລູມິງຕັອນ  ຣັຖມິນເນໂຊຕາ ອົງການສາມັກຄີ ນັກຣົບເກົ່າ ກໍາລັງທັບ ແຫ່ງຊາດລາວ ແລະ ກໍາລັງໜ່ວຍຣົບພິເສດ ໃນສມັຍ ສົງຄາມວຽດນາມ ກໍໄດ້ຈັດ ງານສເລີມສລອງ ໃນມື້ດຽວກັນ ຊຶ່ງທ່ານ ພັນເອກ ຂາວ ອິນສີຊຽງໃໝ່, ປະທານອົງການດັ່ງກ່າວ ຊຶ່ງເປັນອາດີດ ພັນເອກໜ່ວຍຣົບພິເສດ, ອາດີດຜູ້ບັນຊາການ ກົມໜ່ວຍຣົບພິເສດ ກົມທີ 33 ທີ່ໄດ້ສູ້ຮົບກັບ ກອງກໍາລັງວຽດນາມເໜືອ ຢູ່ເກືອບທຸກແຫ່ງ ໃນປະເທສລາວ, ໄດ້ກ່າວເຖິງ ຈຸດປະສົງງານນັ້ນວ່າ:

(ສຽງ​ສັມ​ພາດ)

ງານສເລີມສລອງ ວັນສ້າງຕັ້ງກອງທັບ ແຫ່ງພຣະຣາຊ ອານາຈັກລາວ 23 ມິນາ ຄົບຮອບ 68 ໃນປີນີ້, ອາດີດ ນາຍ ແລະ ພົນທະຫານ ກອງທັບ ແຫ່ງພຣະຣາຊ ອານາຈັກລາວ ຢູ່ປະເທສຕ່າງໆ ໃນໂລກ ຮວມທັງ ສະມາຄົມນັກຣົບເກົ່າ ແລະ ຜູ້ປະສົບໄພສົງຄາມ ແຫ່ງພຣະ ຣາຊອານາຈັກລາວ ໃນຂົງເຂດ ນະຄອນຫລວງ ວໍຊິງຕັນ ດີຊີ ແລະ ອົງການ ສາມັກຄີນັກຣົບເກົ່າ ກໍາລັງທັບແຫ່ງຊາດລາວ ແລະ ກໍາລັງ ໜ່ວຍຣົບ ພິເສດ ໃນສມັຍ ສົງຄາມວຽດນາມ ທີ່ສະຫະຣັຖ ອະເມຣິກາ, ຊຶ່ງສ່ວນໃຫຍ່ ໄດ້ຈັດຂຶ້ນມື້ວັນເສົາ ທີ 24 ມິນາ 2018 ເພື່ອເປັນກຽດ ໃຫ້ແກ່ວິຣະກັມ ແລະ ຣະລຶກເຖິງ ຄຸນງາມຄວາມດີ ຂອງ ນາຍ ແລະ ພົນທະຫານລາວ ທີ່ໄດ້ສຣະຊີບ ເພື່ອຜົລປໂຍດ ຂອງຊາດ ແລະ ປະຊາຊົນລາວ ທັງມວນ.