ກົດໝາຍຣັຖທັມມະນູນ ສະບັບ ໃໝ່

ກອງປະຊຸມ ສະໄໝ ສາມັນ ເທື່ອທີ 10 ຂອງ ສະພາ ແຫ່ງຊາດ ສປປລາວ ຊຸດທີ 7 ໄດ້ໄຂຂຶ້ນ ໃນ ວັນທີ 7 ທັນວາ 2015 ແລະ ຈະ ດຳເນີນໄປ ເຖິງ ວັນທີ 25 ຂອງ ເດືອນນີ້. ໃນພິທີ ໄຂ ກອງປະຊຸມ ຊຶ່ງ ເປັນ ກອງປະຊຸມ ເທື່ອ ສຸດທ້າຍ ຂອງ ສະພາ ແຫ່ງຊາດ ຊຸດນີ້ ມີ ຍານາງ ປານີ ຢາທໍ່ຕູ້ ກັມການ ກົມການເມືອງ ສູນກາງ ພັກ ປະຊາຊົນ ປະຕິວັດ ລາວ, ປະທານ ສະພາ ແຫ່ງຊາດ ເປັນ ປະທານ ແລະ ທ່ານ ຈູມມາລີ ໄຊຍະສອນ ເລຂາທິການ ໃຫຍ່ ຄນະ ບໍຣິຫານ ງານ ສູນກາງພັກ, ປະທານ ປະເທດ, ຜູ້ນຳ ພັກ-ຣັຖ, ສະມາຊິກ ສະພາ ແຫ່ງຊາດ ແລະ ແຂກ ຖືກເຊີນ ເຂົ້າຮ່ວມ.

ຕໍ່ ກອງປະຊຸມ ຍານາງ ປານີ ໄດ້ເວົ້າເຖິງ ຫຼາຍບັນຫາ ທີ່ ຈະນຳເຂົ້າ ພິຈາຣະນາ ແລະ ຕົກລົງ ຮັບຮອງເອົາ ຮວມທັງ ຮ່າງ ຣັຖທັມມະນູນ ສະບັບ ປັບປຸງ ແລະ ຮ່າງ ກົດໝາຍ ຕ່າງໆ.