ນໍ້າຂອງຄືຄວາມຫວັງ ແລະຄວາມຢ້ານກົວ
-
2013-04-18 -
-
-
Your browser doesn’t support HTML5 audio
ແມ່ນ້ຳຂອງ, ນອກຈາກ ເປັນແມ່ນ້ຳ ແຫ່ງ ຄວາມຫວັງແລ້ວ, ຍັງສ້າງ ຄວາມຢ້ານກົວ ໃຫ້ ປະຊາຊົນ ອີກດ້ວຍ. ໃນຂະນະທີ່ ຄວາມຫວັງ ເກີດຈາກ ການສ້າງ ຂົວມິຕພາບ, ຄວາມຢ້ານກົວ ກໍມີເພີ້ມຂຶ້ນ ຈາກການເພີ້ມຂຶ້ນ ຂອງ ຈຳນວນເຂື່ອນ ທີ່ຈະປ່ຽນແປງ ການໄຫລ ຂອງ ກະແສນ້ຳ ແລະ ປ່ຽນວິຖີ ຊີວິດ ຂອງ ປະຊາຊົນ ຫລາຍລ້ານຄົນ.
ແມ່ນ້ຳຂອງ, ຊຶ່ງປັຈຈຸບັນ ໄດ້ມີການ ສ້າງເຂື່ອນ ໃນເຂດ ປະເທດຈີນ ແລ້ວ 5 ເຂື່ອນ ແລະ ຕາມແຜນການ ຈະມີການສ້າງ ເຂື່ອນໃຫຍ່ ຕື່ມອີກ 19 ແຫ່ງ. ສ່ວນໃນເຂດ ແມ່ນ້ຳຂອງ ຕອນລ່າງ ກໍແມ່ນເຂື່ອນ ໄຊຍະບູຣີ ໃນ ປະເທດລາວ, ພາຍຫລັງ ທີ່ໄດ້ ເລື່ອນເວລາ ມາຕັ້ງດົນນານ ແລະ ເຖິງແມ່ນວ່າ ຈະມີການ ວິພາກວິຈານກັນ, ໃນທີ່ສຸດ ຣັຖບານລາວ ກໍຕັດສິນໃຈ ດຳເນີນ ໂຄງການ ດັ່ງກ່າວ.
ຄວາມຢ້ານກົວ ທີ່ສຳຄັນ ຈາກເຂື່ອນ ໄຊຍະບູຣີ, ຊຶ່ງເຮັດໃຫ້ ເກີດການຄັດຄ້ານ ຢ່າງແຂງຂັນ ຈາກກັມພູຊາ ແລະ ວຽດນາມ ນັ້ນ, ຍ້ອນວ່າ ເຂື່ອນດັ່ງກ່າວ ຈະທຳລາຍ ປະຊາກອນ ຂອງປາ ໂດຍສະເພາະ ແມ່ນປາບຶກ ແລະ ຝຸ່ນຕົມ ທີ່ ປະຊາຊົນ ໃຊ້ປູກຝັງນັ້ນ ຈະຖືກ ນ້ຳເຊາະ ໜີໝົດ. ໂຄງການ ດັ່ງກ່າວ ຈະສົ່ງ ຜົລກະທົບ ຕໍ່ຊາວປະມົງ ຫລາຍລ້ານຄົນ ໃນລາວ, ກັມພູຊາ ແລະ ວຽດນາມ. ປະລິມານ ການຫາປາ ຈະຫລຸດລົງ ເຖິງ ເຄິ່ງນຶ່ງ.