ຢູໂຣບຊ່ອຍຟື້ນຟູ ແມ່ນໍ້າຂອງ

ສະຫະພາບ ຢູໂຣບ ຫລື EU ສັນຍາວ່າ ຈະໃຫ້ການຊ່ອຍເຫລືອ ກັມມາທິການແມ່ນໍ້າຂອງ ຫລື MRC ເປັນຈໍານວນ 4 ລ້ານ 9 ແສນ 5 ໝື່ນ ຢູໂຣ ເພື່ອສົ່ງເສີມ ຄວາມພະຍາຍາມ ຂອງ MRC ໃນການຮັບມື ກັບຄວາມທ້າທາຍ ຂອງການປ່ຽນແປງ ດິນຟ້າອາກາດ ໃນຂົງເຂດ.

ຕົວແທນ ຈາກ EU ແລະ MRC ໄດ້ລົງນາມ ຂໍ້ຕົກລົງ ກອງທຶນ ໃນຫລວງພຣະບາງ ໃນວັນທີ 16 ນອກກອງປະຊຸມ ຄັ້ງທີ 19 ຂອງສະພາມົນຕຣີ ແມ່ນໍ້າຂອງ, ຊຶ່ງກອງປະຊຸມດັ່ງກ່າວ ມີຣັຖມົນຕຣີ ຊັພຍາກອນ ທັມມະຊາຕ ແລະ ສິ່ງແວດລ້ອມ, ທ່ານ ໜູລິນ ສິນບັນດິດ, ຜູ່ທີ່ເປັນປະທານ ກອງປະຊຸມ, ຕົວແທນ ຈາກ ສະມາຊິກ ປະເທດແມ່ນໍ້າຂອງ ແລະ ເຈົ້າໜ້າທີ່ ອະວຸໂສ ເຂົ້າຮ່ວມ.

ອີງຕາມ ຂ່າວສານ ຈາກ MRC, ກອງທຶນ ດັ່ງກ່າວ ສນັບສູນ ໂຄງການ ການປ່ຽນແປງ ສະພາບດີນຟ້າອາກາດ ໄປຈົນຮອດ ປີ 2015. ພ້ອມດຽວກັນນັ້ນ, ຍັງຈະສນັບສນູນ ໂຄງການ MRC ເພື່ອປະເມີນ ຜົລກະທົບ ຂອງການປ່ຽໜແປງ ດັ່ງກ່າວ ແລະ ແຜນການດັດແກ້ ໃນຣະດັບ ພາກພື້ນ, ຣະດັບຊາດ ແລະ ຊຸມຊົນ.