ຂ.ຄໍາມ່ວນຈະເພີ້ມຕູ້ຫຼິ້ນ ການພະນັນ

ໂຮງກາຊີໂນທີ່ໃຊ້ ຕູ້ການພະນັນ ຫຼື Slot machines ຊຶ່ງຕັ້ງຢູ່ທ່າ ເຮືອແຄມແມ່ນໍ້າຂອງ ເມືອງທ່າແຂກ ແຂວງຄໍາມ່ວນ ຈົນເທົ່າທຸກມື້ ນີ້ ເຄີຽຖືກວິພາກວິຈານ ວ່າເປັນແຫລ່ງ ພັຍສັງຄົມ ແຕ່ໃນທ້າຍປີນີ້ ຈະຍ້າຍໄປຢູ່ ບໍຣິເວນ ຂົວມິຕພາບລາວໄທ ແຫ່ງທີ່ 3 ຕິດກັບເຂດ ເສຖກິດພິເສດຂອງແຂວງ ແລະຈະເພີ້ມຈໍານວນຕູ້ຫລິ້ນພະນັນຫລັງ ຈາກທາງການຫ້າມບໍ່ໃຫ້ເປີດ ຫລາຍບ່ອນ. ຕາມການເປີດເຜີຍຂອງ ເຈົ້າໜ້າທີ່:

“ມັນເປັນຂອງບໍຣິສັດ KSK ປັຈຈຸບັນນີ້ເພີ່ນຫ້າມຢູ່ແລ້ວໃຫ້ເປິດແຕ່ ໂຕດຽວ ໂຕເກົ່ານີ້ເຂົາກໍາລັງຊິ່ຍ້າຍໄປຢູ່ ຍ້າຍໄປຢູ່ຂົວມິຕພາບ”.

ເຈົ້າໜ້າທີ່ແຂວງຄໍາມ່ວນເວົ້າວ່າຍັງບໍ່ມີຂໍ້ມູນວ່າທາງບໍຣິສັດ ດັ່ງກ່າວ ຈະເປິດໂຮງກາຊີໂນ ແບບຕູ້ການພະນັນ ຢູ່ເຂດ ຂົວມິຕພາບ ແຫ່ງ ທີ່ 3 ເປັນເວລາຈັກປີ ແຕ່ຈະເພີ້ມຕູ້ເກມເຂົ້າໄປອີກ ເນື່ອງຈາກເປັນການ ລົງທຶນຮ່ວມກັນຣະຫວ່າງ ນັກລົງທຶນລາວແລະມະເລເຊັຍ ຊຶ່ງຄາດ ວ່າຈະດຶງດູດ ນັກຫລິ້ນການພະນັນ ໃຫ້ເຂົ້າມາຫລິ້ນ ໄດ້ຫລາຍກວ່າເກົ່າ.

ຜ່ານມາຝ່າຍອໍານາດການປົກຄອງ ແຂວງຄໍາມ່ວນ ບໍ່ເຫັນດີໃຫ້ຕັ້ງກາຊີໂນ ຂນາດໃຫ່ຽຄື “ສວັນເວກັສ” ໃນແຂວງສວັນນະເຂດ ເພາະຢ້ານ ຈະເກີດບັນຫາ ເຣື້ອງພັຍສັງຄົມ ແຕ່ຕໍ່ມາກໍອອກອະນຸຍາດ ໃຫ້ຕັ້ງບ່ອນ ຫລິ້ນການພະນັນ ແບບຕູ້ເກມຂນາດນ້ອຍຢູ່ທ່າເຮືອ ເມືອງທ່າແຂກ ຫລັງຈາກຂົວຂ້າມນໍ້າຂອງໄດ້ ເປີດໃຊ້ຢ່າງເປັນທາງການ.

ເມື່ອເປີດມາໄດ້ປະມານ 2 ປີ ປາຍກໍມີທັງຊາວລາວ ແລະຊາວຕ່າງປະເທດຈາກປະເທດໃກ້ຄຽງ ພາກັນມາຫລິ້ນຢ່າງຫລວງຫລາຍ ຈົນກາຍ ເປັນລາຍໄດ້ ໃຫ້ແຂວງຈໍານວນນຶ່ງ ແຕ່ພ້ອມດຽວກັນນັ້ນ ກໍມີຜົນ ດ້ານລົບຕາມມາ ເພາະຜູ້ຫລິ້ນການພະນັນ ບາງຈໍາພວກ ທີ່ເສັຽເງິນ ເກີດ ມີບັນຫາ ພາຍໃນຄອບຄົວ.