ລາວອາຈຫລົ້ມຈົມຍ້ອນທາງ ຣົຖໄຟ

ຫນັງສືພີມ The conversation.com ສtບັບ ວັນທີ 7 ເມສາ 2014 ຣາຍງານ ວ່າ ທັ້ງໆທີ່ ເສຖກິດ ຂອງລາວ ໄດ້ເຕີບໃຫຍ່ ຢ່າງຕໍ່ເນື່ອງ ໃນ ທົສວັດ ຜ່ານມາ ແຕ່ ນຶ່ງສ່ວນສາມ ຂອງ ປະຊາກອນ ລາວ ຍັງທຸກຍາກ ຢູ່ຄືເກົ່າ ມີຣາຍໄດ້ ຕ່ຳກວ່າ ຂີດ ຄວາມທຸກຍາກ ຄື ປະມານ ມື້ລະ 1 ໂດລາ 25 ເຊັນ. ຄົນລາວ ທີ່ທຸກຍາກ ສ່ວນຫລາຍ ແມ່ນ ຊົນເຜົ່າ ທີ່ອາສັຍ ຢູ່ໃນເຂດ ຊົນນະບົດ ແລະ ເຂດພູສູງ ທີ່ອາສັຍ ທັມມະຊາດ ແລະ ປ່າໄມ້ ໃນການ ສ້າງຣາຍໄດ້ ແລະ ເປັນແຫລ່ງ ອາຫານ.

ການຂຍາຍ ໂຄງຮ່າງ ພື້ນຖານ ການ ຄົມມະນາຄົມ ດັ່ງຖນົນ ຫົນທາງ ແລະ ຣົຖໄຟ ຄວາມໄວສູງ ແນ່ນອນ ວ່າເປັນສີ່ງ ສຳຄັນ ໃນ ການພັທນາ ເສຖກິດ ເພື່ອ ຫລຸດຜ່ອນ ຄວາມທຸກຍາກ ໃນລາວ ແຕ່ ກັບເປັນການ ບໍ່ເຫມາະສົມ ແລະ ແພງເກີນໄປ ທີ່ ສປປລາວ ຕ້ອງການ ຣົຖໄຟ ຄວາມໄວສູງ ໃນການ ພັທນາ ເສຖກິດ ແລະ ສັງຄົມ ໃນລາວ ເພື່ອ ເຊື່ອມກັບຈີນ ເພາະ ປະຊາຊົນ ຍັງ ທຸກຍາກ ຢູ່.

ເຖິງຢ່າງໃດ ກໍຕາມ ທາງການ ລາວ ກໍຍັງ ດີ້ນຮົນ ໃນ ຈຸດປະສົງ ຂອງຕົນ ທີ່ຈະ ເຊື່ອມຕໍ່ ກັບ ຂົງເຂດ ດ້ວຍການ ສ້າງເສັ້ນທາງ ຣົຖໄຟ ຄວາມໄວສູງ ກັບຈີນ ຊື່ງ ໃນ ປັດຈຸບັນ ຄວາມ ຕ້ອງການ ຣົຖໄຟ ຄາມໄວສູງ ຂອງລາວ ແຮງເພີ້ມຂຶ້ນ ທາງການ ລາວ ໃຫ້ ເຫດຜົລວ່າ ໂຄງການ ຣົຖໄຟ ຄວາມໄວສູງ ຈະເຮັດໃຫ້ ລາວ ທີ່ເຄີຍເປັນ ປະເທດ ປິດ ບໍ່ມີທາງ ອອກສູ່ ທະເລ ຈະກາຍເປັນ ປະເທດທີ່ ມີການ ເຊື່ອມຕໍ່ ທາງບົກ ກັບ ຂົງເຂດ ແຕ່ເທົ່າເຖິງ ປັດຈຸບັນ ຍັງບໍ່ແນ່ວ່າ ໂຄງການ ດັ່ງກ່າວ ຈະໄດ້ສ້າງ ຫລືບໍ່.