ການປູກຝິ່ນຢູ່ລາວບໍ່ເຄີຍ ຢຸດ

ຍັງມີການລັກລອບປູກຝີ່ນ ຢູ່ໃນແຂວງ ພາກເຫນືອ ຂອງລາວ ໃນທຸກມື້ນີ້ ສ່ວນໃຫຍ່ ແມ່ນ ປະຊາຊົນ ຊາວເຜົ່າ ໃນເຂດຫ່າງໄກ ສອກ ຫລີກ ທີ່ ຂາດຣາຍໄດ້ ເຂົ້າມາລ້ຽງ ຄອບຄົວ ແລະ ໂຄງການ ປູກພືດ ທົດແທນຝິ່ນ ຂອງ ຣັຖບານ ກໍ ຫລົ້ມແຫລວ.

ເຈົ້າຫນ້າທີ່ ແຂວງ ຜົ້ງສາລີ ຜູ້ທີ່ບໍ່ປະສົງ ອອກຊື່ ທ່ານນຶ່ງ ເວົ້າວ່າ ປັດຈຸບັນ ໃນເຂດ ສອກຫລີກ ຫ່າງໄກ ທີ່ ແຂວງ ຜົ້ງສາລີ ຍັງມີການ ລັກລອບ ປູກຝີ່ນຫຼາຍຢູ່ ສ່ວນໃຫຍ່ ປູກເພື່ອການຄ້າ ແລະ ມີບາງກຸ່ມ ປູກເພື່ອໂຕເອງ. ເຖີງແມ່ນວ່າ ຜ່ານມາ ທາງການລາວ ໄດ້ທຳການ ປາບປາມ ກຸ່ມ ດັ່ງກ່າວ ກໍຕາມ ແຕ່ກໍຍັງ ບໍ່ປະສົບ ຜົລສຳເຣັດ.