ຣັຖອາຈງົດເງິນນະໂຍບາຍ

• 
  2013-09-24

ທ່ານ ພູເພັດ ຄໍາພູນວົງ ຣັຖມົນຕຣີ ກະຊວງ ການເງິນຂອງລາວ ກ່າວວ່າ ຣາຍຈ່າຍຂອງຣັຖບານເພິ້ມຂື້ນ ໃນປີກາຍ ເພາະຣັຖບານ ໄດ້ຂື້ນ ເງິນເດືອນແລະ ໃຫ້ເງິນນະໂຍບາຍແກ່ພະນັກງານ ບໍ່ເທົ່າ ນັ້ນ ຣັຖບານຍັງໄດ້ເພິ້ມຣາຍຈ່າຍສຳຣັບຂແນງການສຶກສາສູງ ຂື້ນ ເປັນ 17 ສ່ວນຮ້ອຍ ແລະສຳຣັບຂແນງສາທາຣະນະສຸກ ຂື້ນເປັນ 9 ສ່ວນຮ້ອຍ ຂອງງົບປະມານແຫ່ງຊາດ. ແຕ່ໃນເວລາໃຊ້ຈ່າຍເງິນ ຫຼາຍນັ້ນຣັຖບານກັບບໍ່ສາມາດເກັບພາສີອາກອນໄດ້ຕາມຄາດໝາຍ. ທ່ານ ພູເພັດ ຍອມຮັບວ່າຍ້ອນສາເຫດນັ້ນເອງ ພະນັກງານຣັຖ ຈຶ່ງ ບໍ່ໄດ້ຮັບເງິນເດືອນ ນັບແຕ່ເດືອນເຈັດເປັນຕົ້ນມາ ເພາະຣັຖບານບໍ່ ມີເງິນຢູ່ໃນຄັງ.

ສ່ວນ ນາງ ບຸນເພັງ ມ້າວໂພໃສ ໂຄສົກຣັຖບານກ່າວວ່າ ຣັຖບານ ຈະໂຈະການໃຫ້ ເງິນນະໂຍບາຍ ແຕ່ອາດຈະບໍ່ໂຈະຕລອດໄປເລີຍ ຫລືອາດຈະບໍ່ໂຈະໝົດ. ຣັຖບານຢາກໃຫ້ພະນັກງານ ທຸກຄົນເຂົ້າໃຈ ບັນຫາຄວາມຫຍຸ້ງຍາກຂອງຣັຖບານ. ເມື່ອປີກາຍ ຣັຖບານ ຕົກລົງຂື້ນເງິນເດືອນ ແລະເລິ້ມໃຫ້ເງິນນະໂຍບາຍປະມານ 7 ແສນກີບຕໍ່ເດືອນ ໃຫ້ແກ່ພະນັກງານຂອງຣັດ ແຕ່ລະຄົນ ເພື່ອຊ່ວຍເສັຍຄ່ານໍ້າ ຄ່າໄຟ ແລະ ຄ່າຄອງຊີພອື່ນໆ.