ຣະບົບຕຸລາການ ສປປລ

ທ່ານ ພູເພັດ ຄໍາພູນວົງ ອະດີດ ຣັຖມົນຕຼີ ກະຊວງ ການເງິນ ແລະ ພະນັກງານ ກະຊວງ ການເງິນ 4 ຄົນ ຊຶ່ງ ໃນນັ້ນ ກໍມີ ເລຂາ ສ່ວນຕົວ ຂອງ ທ່ານ ພູເພັດ ຊື່ ທ້າວ ອາລັດ, ມີ ຫົວໜ້າກົມ, ຮອງກົມ ງົບປະມານ ແລະ ພະນັກງານ ຜແນກ ສັງລວມ ທີ່ ຖືກຈັບ ໃນ ທ້າຍເດືອນ ທັນວາ ປີ 2015 ໃນຂໍ້ ຫາ ສໍ້ຣາສ ບັງຫຼວງ ທີ່ ກ່ຽວກັບ ການ ອອກ ພັນທະບັດ ແລະ ໂຄງການ ບໍ່ມີຕົວຕົນ.

ທ່ານ ພູເພັດ ແລະ ພະນັກງານ ເຫລົ່ານັ້ນ ຖືກປ່ອຍຕົວ ອອກມາແລ້ວ ໃນ ເດືອນ ມິນາ ປີ 2016 ຜ່ານມາ, ໂດຍບໍ່ມີ ການດໍາເນີນ ຄະດີ ຫຍັງ, ແຕ່ ຈະຕ້ອງ ຈ່າຍເງິນ ທີ່ສູນຫາຍ ໄປນັ້ນຄືນ ທັງໝົດ.

ແຕ່ເຫດການ ໃນວັນທີ 16 ເດືອນ ພຶສພາ ປີ 2014 ສານ ປະຊາຊົນ ແຂວງ ຫົວພັນ ໄດ້ຕັດສິນ ຈໍາຄຸກ ພະນັກງານ ຜແນກ ສຶກສາ ແລະ ກິລາແຂວງ 10 ຄົນ ໃນຄະດີ ຍັກຍອກເງິນ ຂອງຣັຖ ມູລຄ່າ 1 ຕື້ ກີບ, ຊຶ່ງໃນນັ້ນ ມີນຶ່ງຄົນ ໄດ້ຖືກສານ ຕັດສິນ ຈໍາຄຸກ 10 ປີ ເຖິງວ່າຜູ້ກ່ຽວ ຈະເອົາເງິນ ສ່ວນນຶ່ງ ທີ່ສໍ້ໂກງ ໄປນັ້ນ ມາຄືນກໍຕາມ.