0:00 / 0:00
ສະບາຍດີ ທ່ານຜູ້ຟັງທີເຄົາຣົບ ພົບກັນເຊັ່ນເຄີຍ ໃນຣາຍການບັນເທີງ ປະຈຳສັປດາ ຂ້າພະເຈົ້າ, ພອນ ພູມມີທອນ, ເປັນຜູ້ດຳເນີນຣາຍການ. ສັປດານີ້ ວິທຍຸເອເຊັຽເສຣີ ຈະພາທ່ານ ໄປຮັບຟັງ ຜົລງານເພງມ່ວນໆ ຈາກ ສິລປີນ ທ່ານ ອາຈານ ຄຳຕຸ່ນ ວົງສນິດ, ສິລປີນລາວ ທີ່ມາກດ້ວຍຄວາມສາມາດ, ມີພອນສວັນຮອບດ້ານ ເປັນຕົ້ນແມ່ນ ຮ້ອງ, ປະພັນ ແລະ ຫລິ້ນນດົນຕຣີ ໄດ້ຢ່າງຄ່ອງແຄ້ວ.
ອາຈານ ຄຳຕຸ່ນ ວົງສນິດ ໄດ້ປະພັນຜົລງານ ເພງບ້ານນາ ອະມະຕະ ຫລາຍໆເພງ ຝາກໄວ້ ໃນວົງການບັນເທີງລາວ ເຊັ່ນ: ໂຊກຕ່າງລ່າງ, ຕິບ່ອນໃດ, ອົ່ງຕົ່ງ, ໃຜຕົວະໃຫ້ຕາຍ, ຄັກໃຈເຈົ້າແລ້ວບໍ່, ແຈ້ງຈ່າງປ່າງ ແລະ ອື່ນໆ, ຊຶ່ງເຊຶ່ອວ່າ ຜົລງານເພງ ອະມະຕະ ເຫລົ່ານີ້ ຂອງອາຈານ ຄຳຕຸ່ນ ວົງສນິດ ຍັງຢູ່ໃນຄວາມຊົງຈຳ ຂອງມິຕຮັກແຟນເພງ ຕລອດມາ ຈົນຮອດຊູ່ມື້ນີ້.