မြန်မာပြည်သူ ၅ဝ% အစားဝအောင် မစားရတဲ့ အခြေအနေကို ရောက်ရှိနိုင်ဟု ပညာရှင်တွေပြောကြား

ဒီအပတ် RFA စကားဝိုင်းမှာ လက်ရှိ မြန်မာ့စီးပွားရေးအခြေအနေဆိုးဝါးမှုနဲ့ နောက်ဆက်တွဲ ပေါ်ပေါက် လာနိုင်တဲ့ အခြေအနေတွေကို တင်ပြဆွေးနွေးထားပါတယ်။ မြန်မာပြည်မှာ လယ်သမားတွေ စပါးမစိုက်နိုင်တဲ့ အဖြစ်နဲ့ ကြုံနေရပြီဖြစ်ပြီး လက်ရှိစီးပွားရေး ကပ်ဆိုက်မှုကို မထိန်းသိမ်းနိုင်ဘူးဆိုရင် မြန်မာပြည်သူလူထု ၅ဝ% ခန့်ဟာ မကြာခင်ကာလအတွင်း အစားအစာ လုံလောက်အောင် မစားနိုင်တော့တဲ့ ဘဝကို ရောက်ရှိ သွားနိုင်တယ်လို့ ပညာရှင်တွေက သုံးသပ်ကြပါတယ်။

ဒီအပတ် ပါဝင်ဆွေးနွေးကြသူတွေကတော့ စီးပွားရေးလေ့လာသုံးသပ်သူ ဦးသန်းစိုး (ဘောဂဗေဒ)၊ စိမ်းလန်းအမိမြေအဖွဲ့က ဦးဝင်းမျိုးသူ နဲ့ တောင်သူလယ်သမား အကျိုးဆောင်ကွန်ရက်က ဦးဇော်ရန်းတို့ ဖြစ်ပါတယ်။ RFA အဖွဲ့သား ဦးခင်မောင်စိုးက တင်ဆက်ထားပါတယ်။