လွတ်မြောက်နယ်မြေတွေ တကယ်ရှိလာနေပြီလား

စစ်အာဏာသိမ်းတာကို မကြိုက်တဲ့အတွက် လမ်းပေါ်ထွက် ဆန္ဒပြမှုတွေကနေ လက်နက် ကိုင်လမ်းစဉ်ကို လျှောက်ခဲ့ရတဲ့ ပြည်သူတွေ တိုင်းရင်းသား လက်နက်ကိုင်အဖွဲ့တွေဟာ သူတို့နယ်မြေတွေမှာ စစ်အုပ်ချုပ်ရေး မရှိအောင် တွန်းလှန်ပြီးလွတ်မြောက်နယ်မြေတွေ ဖြစ်အောင် ကြိုးစားလာနေကြပါတယ်။

တစ်နိုင်ငံလုံးအတိုင်းအတာနဲ့ ပြည်သူ့အုပ်ချုပ်ရေးတွေ ဘယ်လောက်လည်ပတ်နေပြီလဲ ဆိုတာတွေကို ဆွေးနွေးသွားမှာ ဖြစ်ပါတယ်။

ပါဝင်ဆွေးနွေးကြမယ့်သူတွေကတော့ ကရင်နီအမျိုးသားကာကွယ်ရေးတပ် KNDF ဦးဆောင် ကော်မတီဝင် ကိုမာဝီ၊ နိုင်ငံရေး တိုင်းရင်းသားအရေး လေ့လာသုံးသပ်သူ ဦးသန်းစိုးနိုင်နဲ့ ဆောပြည်သူ့အုပ်ချုပ်ရေးအဖွဲ့ချုပ် ဥက္ကဋ္ဌ ဒေါက်တာကြည်စိုးထွန်းတို့ပဲ ဖြစ်ပါတယ်။

RFA သတင်းထောက် ကိုအောင်သိင်္ခ က တင်ဆက်ထားပါတယ်။