NUG ငွေတိုက်စာချုပ်၊ စစ်ကောင်စီကျဆုံးခန်းနဲ့ ဒေါ်အောင်ဆန်းစုကြည်

ဒီအပတ် RFA စကားဝိုင်းမှာ NUG အစိုးရ စတင်ရောင်းချတဲ့ ငွေတိုက်စာချုပ်ကို ပြည်တွင်းပြည်ပမြန်မာတွေ အမြောက်အမြား အားပေးဝယ်ယူနေမှု၊ တရုတ်-အာဆီယံညီလာခံ အပါအဝင် အရေးပါတဲ့ ကမ္ဘာ့ တွေ့ဆုံ ဆွေးနွေးပွဲတွေ တက်ရောက်ခွင့်မရတဲ့ စစ်ကောင်စီ နဲ့ နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ကို စစ်ကောင်စီတရားရုံးက ပထမဆုံးအမှုအတွက် စီရင်ချက်ချမယ့်ကိစ္စ အပါအဝင် လက်ရှိ မြန်မာနိုင်ငံရဲ့ အခြေအနေတွေကို တင်ပြထားပါတယ်။

ပါဝင်ဆွေးနွေးသူတွေကတော့ ပြည်သူ့ရင်ခွင် CDM ဗိုလ်ကြီး လင်းထက်အောင်၊ နိုင်ငံရေး အကျဉ်းသား ဟောင်းများ အဖွဲ့ ဦးဆောင်ကော်မတီဝင် ဦးထွန်းကြည်နဲ့ တောင်ကိုရီးယားနိုင်ငံရောက် မြန်မာ့ဒီမိုကရေစီ အရေး လှုပ်ရှားသူ ကိုမျိုးဟိန်း တို့ ဖြစ်ပါတယ်။

RFA အဖွဲ့သား ဦးခင်မောင်စိုး က တင်ဆက်ထားပါတယ်။