မြဝတီမြို့စောင့်တပ် ခလရ ၂၇၅ နဲ့ ကရင်ပြည်နယ်စစ်ရေးအခြေအနေ

ဒီရက်ပိုင်းအတွင်း တိုင်းရင်းသားလက်နက်ကိုင်အဖွဲ့တွေ အခြေစိုက်တဲ့ဒေသေတွမှာ စစ်ကောင်စီတပ်တွေရဲ့ တပ်ရင်းအလိုက် လက်နက်ချမှုတွေ၊ စခန်းသိမ်းခံရမှုတွေ ဆက်တိုက်ဆိုသလို ကြားနေရပါတယ်။ ကရင်ပြည်နယ်မှာလည်း အလားတူ အခြေအနေတွေပေါ်ပေါက်နေပါတယ်။ အခုနောက်ဆုံး မြဝတီမြို့မှာဆိုရင် စစ်ကောင်စီတပ်ရင်း ခလရ - ၂၇၅ က တပ်ဖွဲ့ဝင်တွေ သူတို့တပ်ရင်းကို စွန့်ခွာထွက်ပြေးပြီး ထိုင်း-မြန်မာနယ်စပ် သောင်ရင်းမြစ်ကမ်းပါးမှာ ခိုလှုံနေတယ်လို့ သိရပါတယ်။ လက်ရှိ ကရင်ပြည်နယ်ရဲ့ နောက်ဆုံးအခြေအနေနဲ့ ပတ်သက်ပြီး လေ့လာသုံးသပ်သူတွေရဲ့ အမြင်တွေကို ဒီတစ်ပတ်စကားဝိုင်းမှာ ဆွေးနွေးကြမှာဖြစ်ပါတယ်။

ပါဝင်ဆွေးနွေးမယ့်သူတွေကတော့ နိုင်ငံရေးလေ့လာသုံးသပ်သူ ဒေါက်တာ လှကျော်ဇော၊ အမျိုးသားညီညွတ်ရေးအစိုးရ ဝန်ကြီးချုပ်ရုံးပြောခွင့်ရသူ ကိုနေဘုန်းလတ်၊ CDM ဗိုလ်ကြီး ညီသုတနဲ့ တော်လှန်ရေးရဲဘော် စောဘဦးလေးတို့ ဖြစ်ပါတယ်။ RFA ဝိုင်းတော်သူ မခင်ခင်အိ စီစဉ်တင်ဆက်ထားပါတယ်။