လာရောက်သူနည်းသွားတဲ့ ဦးပိန်တံတား

ပြည်တွင်း၊ ပြည်ပခရီးသွားဧည့်သည်တွေ လာရောက်လည်ပတ်လေ့ရှိတဲ့ မန္တလးမြို့က တောင်သမန်အင်းနဲ့ ဦးပိန်တံတားကို ကိုဗစ်ကပ်ရောဂါနဲ့ အာဏာသိမ်းပြီးနောက်ပိုင်း နိုင်ငံရေးအခြေအနေတွေကြောင့် လက်ရှိမှာတော့ လာရောက်သူနည်းသွားတယ်လို့ ဒေသခံတွေက ပြောပါတယ်။

ပြည်ပခရီးသွား မရှိသလောက်နည်းသွားပြီး ပြည်တွင်းမှာလည်း မန္တလေးမြို့နဲ့ အနီးတစ်ဝိုက်က ဒေသခံတွေကပဲ အားလပ်ရက်တွေမှာ လာရောက်လည်ပတ်လေ့ ရှိတယ်လို့ ဦးပိန်တံတားအနီး နေထိုင်သူတစ်ဦးက ပြောပါတယ်။

"လာတဲ့သူဆိုတာလည်း တောနယ်တွေကများတယ်။ အရင်ကလို အဝေးက လာလည်တဲ့သူဆိုတာ ရှားတယ်လေ။ ခေတ်ကမကောင်း ကုန်စျေးနှုန်းတွေကလည်း တက်တော့ သူသူကိုယ်ကိုယ် သိပ်မဖြုန်းနိုင်ကြတော့ဘူး။ လာလည်တယ်ဆိုရုံ သက်သက်က များပါတယ်”

ခရီးသွားဧည့်သည် နည်းသွားတာကြောင့် ဦးပိန်တံတားက ဒေသခံတွေဟာလည်း ဝင်ငွေနည်းပြီး စားဝတ်နေရေးအခက်အခဲတွေ ကြုံရတယ်လို့ သူကဆိုပါတယ်။

တောင်သမန်အင်းနဲ့ ဦးပိန်တံတားကို အမှီပြု လုပ်ကိုင်စားသောက်ကြတဲ့ စျေးရောင်းချသူ၊ ငှက်လှေခတ်သူ၊ ခရီးသွားဝန်ဆောင်မှုပေးသူ ဦးရေဟာ ထောင်နဲ့ချီပြီး ရှိပါနေပါတယ်။