စစ်ကိုင်း အင်းစရွာက စစ်ဘေးဒုက္ခသည်များ
2023.04.24
ထွက်ပြေးတိမ်းရှောင်နေကြသည့် အင်းစရွာ စစ်ဘေးဒုက္ခသည်များကို ၂၀၂၃ ခုနှစ် ဧပြီလ ၂၁ ရက်နေ့က တွေ့ရစဉ်။
Citizen Journalist
စစ်ကိုင်းတိုင်း၊ စစ်ကိုင်းမြို့က အင်းစရွာကို ဧပြီလ ၂၁ ရက်နေ့က စစ်ကောင်စီတပ်ဝင်ပြီး တစ်ရွာလုံးနီးပါးကို မီးရှို့သွားတယ်လို့ ဒေသခံတွေက ပြောပါတယ်။
အိမ်ခြေအလုံး ၄၁ဝ ရှိတဲ့ထဲမှာ အလုံး ၃၇ဝ ကျော် မီးရှို့ခံရတာဖြစ်ပါတယ်။ အဲဒီရွာနေတဲ့ ဒေသခံ ၁၅ဝဝ ကျော်ဟာလည်း ကြောက်လန့်ပြီး ဘေးလွတ်ရာကို ထွက်ပြေးနေရပါတယ်။
နှစ်ပေါင်း ၇၀ ကျော်သက်တမ်းရှိတဲ့ ရွာဘုန်းကြီးကျောင်းပါ မီးလောင်ပျက်စီးသွားတယ်လို့ ရွာသားတစ်ယောက်က RFA ကိုပြောပါတယ်။ ရွာခံသုံးယောက်ကိုလည်း စစ်ကောင်စီတပ်သားတွေက ဖမ်းသွားတယ်လို့ ဆိုပါတယ်။
ထွက်ပြေးနေရတဲ့ ဒေသခံတွေဟာ အမိုးအကာမလုံလောက်တဲ့အပြင် သက်ကြီးရွယ်အို၊ ကလေးငယ်တွေနဲ့ ကိုယ်ဝန်ဆောင် မိခင်တွေအတွက် နေထိုင်ရေးနဲ့ စားနပ်ရိက္ခာတွေပါ အခက်ကြုံနေပါတယ်။
လွတ်လပ်တဲ့သုတေသနအဖွဲ့တစ်ခုဖြစ်တဲ့ Data For Myanmar ရဲ့ ၂၀၂၃ ခုနှစ်၊ မတ်လ ၁၉ ရက်အထိ စာရင်းအရ အာဏာသိမ်းပြီးနောက် စစ်ကောင်စီဟာ စစ်ကိုင်းတိုင်းထဲက နေအိမ်အလုံးလေးပေါင်း ထောင့် ခုနှစ်ရာ ထက်မနည်း မီးရှို့ဖျက်ဆီးခဲ့တယ်လို့ လွတ်လပ်တဲ့သုတေသနအဖွဲ့တစ်ခုဖြစ်တဲ့ Data For Myanmarက ထုတ်ပြန်ထားပါတယ်။
ဖတ်ရှုသူအများဆုံး သတင်းများ။
RFA
- ဒေါ်အောင်ဆန်းစုကြည်ကို ၂၀၂၅ ခုနှစ် ပြည်သူ့ဂုဏ်ရည်ဆု ချီးမြှင့်
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၆ ရက်)
- စစ်ဘက် အကျဉ်းထောင် စီမံခန့်ခွဲမှုအမိန့် NUG ထုတ်ပြန်
- မြန်မာ့ငလျင်ဘေးအကူအညီအတွက် ဂျပန်ကျွမ်းကျင်ပညာရှင်အဖွဲ့ စေလွှတ်မည်
- မြန်မာမှာ အကြမ်းဖက်မှု ချက်ချင်းရပ်ဖို့ စစ်ကောင်စီကို အမေရိကန် တောင်းဆို