ပြည်နယ်ဝန်ကြီး လျာထားခံရသူကို ပြည်နယ်လွှတ်တော်မှာကန့်ကွက်
ဒီကနေ့ ဖေဖော်ဝါရီ ၁၄ ရက်မှာ ကျင်းပတဲ့ ချင်းပြည်နယ် လွှတ်တော် အစည်းအဝေးမှာ ပြည်နယ်ဝန်ကြီးချုပ် ပူးဟုန်ငိုင်းက တင်သွင်းခဲ့တဲ့ ဝန်ကြီး အမည်စာရင်းတွေ အထဲမှာ ပါဝင်တဲ့ ကြံ့ခိုင်ရေးပါတီက အမတ်တဦးကို ချင်းတိုင်းရင်းသား အတိုက်အခံအမတ်တွေက အပြင်းအထန်ကန့် ကွက်ခဲ့တယ်လို့ သိရပါတယ်။
-
2011-02-14 -
-
-
ဒါပေမဲ့လည်း ပြည်နယ်ဝန်ကြီးချုပ်က ကန့်ကွက်တဲ့အချိန် သိပ်မပေးတဲ့အတွက် အတိုက်အခံ တိုင်းရင်းသားပါတီတွေက အမတ် ၁၁ ဦး လက်မှတ်ထိုးပြီး သမတဆီကို စာတင်လိုက်တယ်လို့ ချင်းအမျိုးသားပါတီ (CNP) ရဲ့ ဥက္ကဋ္ဌ ပူးဇိုဇံ က RFA ကို ပြောပါတယ် ။
ချင်းပြည်နယ် လွှတ်တော်အတွင်းမှာ ဒီကနေ့ ပြည်နယ် ဝန်ကြီးချုပ်က အမည်စာရင်း တင်သွင်းတဲ့ ပြည်နယ် ဝန်ကြီးစာရင်းတွေအထဲမှာ အတိုက်အခံ ချင်းအမျိုးသားပါတီ (CNP) နဲ့ ချင်းပြည်နယ် တိုးတက်ရေးပါတီ (CPP) ပါတီက အမတ်တဦးစီလည်း ပါဝင်တယ်လို့ သိရပါတယ် ။
ဒါပေမဲ့လည်း သူတို့ချင်းတိုင်းရင်သား အတိုက်အခံပါတီတွေကို ဝန်ကြီး တနေရာစီပေးတာကို သံသယရှိကြောင်း ချင်းအမျိုးသား ပါတီ CNP ရဲ့ ဥက္ကဋ္ဌ ပူးဇိုဇံက RFA ကိုပြောပါတယ် ။
ဒီကနေ့မှာ ကျင်းပတဲ့ ပြည်နယ်ဒေသ လွှတ်တော်တွေမှာ တိုင်းရင်းသားပါတီတွေက ကိုယ်စားလှယ် တချို့ ပြည်နယ်အစိုးရတွေမှာ ဝန်ကြီးအဖြစ် လျာထားခံရတာတွေ ရှိပါတယ်။
ရခိုင်ပြည်နယ်၊ ချင်းပြည်နယ်နဲ့ မွန်ပြည်နယ်တွေမှာ ဝန်ကြီးလျာထားခံရတဲ့အကြောင်းတွေကို တိုင်းရင်းသားပါတီ ခေါင်းဆောင်တွေကို ဆက်သွယ်ပြီး RFA မှ ဒေါ်ခင်ခင်အိက စုစည်း တင်ပြထားပါတယ်။
| ပြည်နယ်လွှတ်တော်များ |
|
| အသံဖိုင်ယူရန် |