ဆန္ဒပြကျောင်းသားတွေ နွားထိုး ကြီးမြို့ကို ရောက်ရှိ
ဒီမိုကရေစီပညာရေးစနစ်ကို တောင်း ဆိုနေတဲ့ ကျောင်းသားသပိတ်စစ်ကြောင်း ဟာ မနေ့ကမနက်မှာ ပြင်စည်ရွာကနေ ထွက်ခွါပြီးတဲ့နောက် ညပိုင်းမှာတော့ နွားထိုးကြီးမြို့မှာ ညအိပ်ရပ်နားခဲ့ကြပါတယ်။
-
2015-01-24 -
-
-
Your browser doesn’t support HTML5 audio
ဒီမိုကရေစီပညာရေးစနစ်ကို တောင်းဆိုနေတဲ့ ကျောင်းသားသပိတ်စစ်ကြောင်းဟာ မနေ့ကမနက်မှာ ပြင်စည်ရွာကနေ ထွက်ခွါပြီးတဲ့နောက် ညပိုင်းမှာတော့ နွားထိုးကြီးမြို့မှာ ညအိပ်ရပ်နားခဲ့ကြပါတယ်။
သူတို့ကို မြို့လူထုနဲ့ကျောင်းသားတွေက တခဲနက်ကြိုဆိုခဲ့ကြသလို၊ ခရီးပမ်းတဲ့အတွက် သပိတ်မှောက်ကျောင်းသားတချို့ ဖျားနာကြတယ်လို့ သိရပါတယ်။
ဒီအကြောင်းနဲ့ပတ်သက်လို့ ဗကသများအဖွဲ့ချုပ် တွဲဘက်အတွင်းရေးမှူး ကိုမင်းသွေးသစ်က RFA ကို အခုလိုပြော ပါတယ်။
"နွားထိုးကြီး ရောက်နေပြီဗျ၊ နွားထိုးကြီးမှာဒီည ညအိပ်တယ်၊ ၆ ယောက်ဖျားနေတယ်၊ မိန်းကလေး ၁ ယောက် ၊ ယောက်ကျားလေး ၅ ယောက်၊ ဒီနေ့ဆေးသွင်းတဲ့ကျောင်းသားတွေ အယောက် ၂ဝ ကျော် ၃ဝ လောက်ရှိတယ်၊ အဆင်ပြေပါတယ် ဒီနေ့ခရီးစဉ်က၊ ပြည်သူတွေစောင့်ရှောက်တာပေါ့"
ဒီနေ့မနက်မှာတော့ နွားထိုးကြီးမြို့ကနေ မြင်းခြံကိုခရီးဆက်ကြမယ်လို့သိရပါတယ်။
ကျောင်းသားတွေရဲ့ နောက်ဆုံးအခြေအနေနဲ့ ပတ်သက်လို့ ဗကသများအဖွဲ့ချုပ် တွဲဘက်အတွင်းရေးမှူး ကိုမင်းသွေးသစ် ကို RFA ဝိုင်းတော်သား ကိုနေရိန်ကျော် ဆက်သွယ်မေးမြန်းထားတာ နားဆင်နိုင်ပါတယ်။