ရခိုင်ပြည်နယ်မှာ တိုးတက်မှု ရအောင်အခြေအနေဖန်တီးပေးဖို့ မြန်မာကို ကုလ တိုက်တွန်း
ရခိုင်ပြည်နယ်မှာ သိသာထင်ရှားတဲ့ တိုးတက်မှု အခြေအနေတွေ ပေါ်ပေါက်လာအောင် ဆောင်ရွက်ဖို့ မြန်မာအစိုးရကို ကုလသမဂ္ဂ အဖွဲ့ အစည်းတွေက တိုက်တွန်းလိုက်ကြပါတယ်။
-
2018-08-08 -
-
-
ရခိုင်ပြည်နယ်မှာ သိသာထင်ရှားတဲ့ တိုးတက်မှု အခြေအနေတွေ ပေါ်ပေါက်လာအောင် ဆောင်ရွက်ဖို့ မြန်မာအစိုးရကို ကုလသမဂ္ဂ အဖွဲ့ အစည်းတွေက တိုက်တွန်းလိုက်ကြပါတယ်။
ဘင်္ဂလားဒေ့ရှ်ကို ထွက်ပြေးခဲ့ကြတဲ့ မူစလင်ဒုက္ခသည်တွေ သူတို့ဆန္ဒအရ၊ လုံခြုံမှု ရှိရှိ၊ ဂုဏ်သိက္ခာရှိရှိ နေရပ်ပြန်လာနိုင်ကြအောင် အခင်းအကျင်းတွေ စီမံဆောင်ရွက်ပေးဖို့ ဒုက္ခသည်များဆိုင်ရာ မဟာမင်းကြိးရုံး UNHCR ၊ ကုလသမဂ္ဂ ဖွံ့ဖြိးရေးအစီအစဉ် UNDP နဲ့ မြန်မာအစိုးရတို့ ပြီးခဲ့တဲ့ဇွန်လ ၆ ရက်နေ့က သုံးပွင့် ဆိုင် သဘောတူနားလည်မှု စာချွန်လွှာ လက်မှတ်ရေးထိုးခဲ့ကြပြီးတဲ့နောက် နှစ်လ အကြာမှာ အဲဒီ ကုလသမဂ္ဂ အဖွဲ့အစည်းနှစ်ခုက မြန်မာ အစိုးရ ကို အခုလို တိုက်တွန်းခဲ့ကြတာပါ။
သဘောတူ စာချွန်လွှာမှာ ဒုက္ခသည်တွေ ရခိုင်ပြည်နယ်ကို ပြန်လာနိုင်ဖို့၊ လွတ်လွတ်လပ်လပ်သွားလာနိုင်ဖို့၊ ဖြစ်ပွားခဲ့တဲ့ ပြဿနာရဲ့ အကြောင်းရင်းတွေကို ဖြေရှင်းဖို့ ဆိုတဲ့ အရေးကြီးအချက် သုံးချက် ပါဝင်ပါတယ်။