လူဦးရေ ဥပဒေကြမ်း သမ္မတ အတည်ပြု ပြဌာန်း

• 
  2015-05-23

လူဦးရေတိုးပွားမှု ထိန်းညှိခြင်းဆိုင်ရာ ကျန်းမာရေးစောင့်ရှောက်မှု ဥပဒေကြမ်းကို သမ္မတ ဦးသိန်းစိန် လက်မှတ်ရေးထိုးပြီး အတည်ပြုလိုက် ပါတယ်။

မြန်မာနိုင်ငံကိုရောက်ရှိနေတဲ့ အမေရိကန် ဒုတိယ နိုင်ငံခြားရေးဝန်ကြီး Antony Blinken က သမ္မတ ဦးသိန်းစိန်နဲ့ တွေ့ဆုံခဲ့စဉ်အတွင်း မျိုးစောင့် ဥပဒေလို့ခေါ်ကြတဲ့ ဥပဒေကြမ်းလေးခုဟာ နိုင်ငံတွင်း မှာ ပဋိပက္ခတွေ ပိုပြီးဆိုးရွားသွားစေနိုင်တဲ့ အန္တရာယ်ရှိကြောင်း ပြောကြားခဲ့သလို ၊ ပြည်တွင်း ပြည်ပက လေ့လာသူတွေက လည်း ဝေဖန်ပြောဆိုခဲ့ကြပါတယ်။

ဒါပေမဲ့ ဒီနေ့ မေလ ၂၃ ရက်နေ့ထုတ် အစိုးရ သတင်းစာတွေမှာ အဲ့ဒီဥပဒေကို အတည်ပြုပြဌာန်း လိုက်ကြောင်း ဖော်ပြခဲ့ပါတယ်။