အမုန်းပွားစေတဲ့ ပြောဆိုရေးသား လှုံ့ဆော်သူတွေကို အရေးယူပေးဖို့ OIC တောင်းဆို
မြန်မာနိုင်ငံမှာ အမုန်းတရားပွားများစေ တဲ့ ပြောဆိုရေးသားချက်တွေကို ပြောဆိုဖြန့်ဖြူးပြီး အကြမ်း ဖက်မှုတွေဖြစ်ပွားအောင် လှုံ့ဆော်သူတွေကို အစိုးရက အရေးယူပေးဖို့ အစ္စလာမ္မစ်နိုင်ငံများ ပူးပေါင်းဆောင် ရွက်ရေးအဖွဲ့ OIC က မြန်မာနိုင်ငံ ရခိုင်ပြည်နယ်က မွတ်စလင်များအရေး ဆောင်ရွက်နေတဲ့ OIC Contact Group တောင်းဆိုလိုက်ပါတယ်။
-
2014-09-27 -
-
-
မြန်မာနိုင်ငံမှာ အမုန်းတရားပွားများစေတဲ့ ပြောဆိုရေး သားချက်တွေကို ပြောဆိုဖြန့်ဖြူးပြီး အကြမ်းဖက် မှုတွေဖြစ်ပွားအောင် လှုံ့ဆော်သူတွေကို အစိုးရက အရေးယူပေးဖို့ အစ္စလာမ္မစ်နိုင်ငံများ ပူးပေါင်းဆောင် ရွက်ရေးအဖွဲ့ OIC က မြန်မာနိုင်ငံ ရခိုင်ပြည်နယ်က မွတ်စလင်များအရေးဆောင်ရွက်နေတဲ့ OIC Contact Group တောင်းဆိုလိုက်ပါတယ်။
ကုလသမဂ္ဂ အထွေထွေ ညီလာခံကာလအတွင်း နယူးယောက်မြို့မှာ စက်တင်ဘာ ၂၅ ရက်နေ့က ကျင်းပတဲ့ ဆွေးနွေးပွဲအပြီး အခုလို မူဝါဒ ချမှတ် တောင်းဆိုလိုက်တာ ဖြစ်ပါတယ်။
ဒီအဆိုကို မြန်မာနိုင်ငံဆိုင်ရာ OIC အထူး ကိုယ်စားလှယ် Syed Hamid Albar က တင်သွင်း တာဖြစ်ပြီး ရခိုင်ပြည်နယ် လွှတ်တော်မှာ မွတ်စလင် လွှတ်တော် ကိုယ်စားလှယ်တွေ ဝင်ရောက်ခွင့်ရရေး Mr. Albar က ကြိုးပမ်းနေတာကိုလည်း ကြိုဆိုခဲ့တယ်လို့ သိရပါတယ်။
ဒါ့အပြင် ၁၉၈၂ ခုနှစ် နိုင်ငံသားဥပဒေအရ အရင်က နိုင်ငံသားဖြစ်ခွင့် ပယ်ဖျက်ခံရသူတွေကို နိုင်ငံသားပြန်ပေးဖို့ကို လည်း မြန်မာအစိုးရကို ဒီအဖွဲ့ကတောင်းဆိုခဲ့တယ်လို့ သိရပါတယ်။