ပင်လုံစိတ်ဓာတ် ခိုင်မာဖို့ NLD တိုက်တွန်း

• 
  2012-02-12

အမျိုးသားပြန်လည်ရင်ကြားစေ့ရေးနဲ့ ပြည်တွင်းငြိမ်းချမ်းရေးအတွက် ပင်လုံစိတ်ဓါတ် ရှင်သန်ဖို့ အမှန်တကယ်လိုအပ်နေတယ်လို့လည်းထောက်ပြထားပါတယ်။

ရွှေဂုံတိုင်ပါတီရုံးချုပ်မှာ ဒီကနေ့ မနက်ပိုင်းက ကျင်းပတဲ့ ပြည်ထောင်စုနေ့ အခမ်းအနားမှာ ပါတီဥက္ကဌ ဒေါ်အောင်ဆန်းစုကြည်က ပြည်ထောင်စုစိတ်ဓာတ်ရှင်သန်ရေးအတွက် သဘောထားကြီးဖို့ အရေးကြီးတယ်လို့လည်း ပြောပါတယ်။ ဒါ့အပြင် စစ်မှန်တဲ့ပြည်ထောင်စုနိုင်ငံ ထူထောင်နိုင်ဖို့အတွက် တိုင်းရင်းသားအားလုံးနဲ့အတူ လက်တွဲလုပ်ဆောင် သွားမယ်လို့လည်း ပြောပါတယ်။

အမျိုးသားဒီမိုကရေစီအဖွဲ့ချုပ် ပြည်ထောင်စုနေ့အခမ်းအနားကို ပါတီဝင်တွေနဲ့အတူ ဖိတ်ကြားထားတဲ့ ဧည့်သည်တော်တွေလည်း တက်ရောက်ခဲ့ကြပါတယ်။ ။